Don't Miss!
- Sports CSK vs LSG: వారెవ్వా రాహుల్.. వాటే క్యాచ్!వీడియో
- News జనసేనకు మద్దతుగా మెగాస్టార్...పిఠాపురంలో రెండు రోజులు పర్యటన
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రావు రమేష్ కుటుంబంలో విషాదం.. సినీ ప్రముఖుల సంతాపం..
Recommended Video
ప్రముఖ నటుడు రావు రమేష్ కుటుంబంలో విషాదం చోటుచేసుకొన్నది. ఆయన తల్లి కమలకుమారి శనివారం ఉదయం తుదిశ్వాస విడిచారు. ప్రముఖ నటుడు, దివంగత రావు గోపాలరావుకు కమలకుమారి సతీమణి అనే విషయం అందరికి తెలిసిందే. కుటుంబ సభ్యులు, సన్నిహితుల చివరి చూపు కోసం కమలకుమారి భౌతికదేహాన్ని హైదరాబాద్ కొండాపూర్లోని రావు రమేష్ నివాసంలో ఉంచినట్టు కుటుంబ సభ్యులు వెల్లడించారు.
అనారోగ్యంతో బాధపడుతూ
గత కొద్దిరోజులుగా కమలకుమారి వృద్ధాప్య సంబంధిత అనారోగ్యంతో బాధపడుతున్నారు. చికిత్స పొందుతూ శనివారం ఉదయం కన్నుమూసినట్టు సినీవర్గాలు తెలిపాయి. కమలకుమారి అంత్యక్రియలు శనివారం సాయంత్రం నిర్వహించే అవకాశం ఉంది.
గొప్ప హరికథా కళాకారిణి
కమలాకుమారి వయసు 75 సంవత్సరాలు. ఆమె గొప్ప హరికథ కళాకారిణిగా పేరుతెచ్చుకున్నారు. ఆమె ఆంధ్రప్రదేశ్, కర్ణాటక, మధ్యప్రదేశ్, ఒడిశా తదితర ప్రాంతాల్లో దాదాపు 5000 ప్రదర్శనలు ఇచ్చారు.
రావుగోపాలరావుతో వివాహం
రావుగోపాలరావు, కమలకుమారి వివాహం చాలా ఆశ్చర్యకరమైన పరిస్థితుల్లో జరిగింది. ఓ హరికథా కార్యక్రమంలో కమలాకుమారి ప్రదర్శనకు ముగ్ధుడైన రావుగోపాల్రావు ఆమెను ప్రేమవివాహం చేసుకున్నారు. రావుగోపాల్రావు కుమారుడు రావు రమేశ్ ప్రసుత్తం నటుడిగా టాలీవుడ్లో బిజీగా ఉన్నారు.
రావు రమేష్కు పలువురి సంతాపం
మాతృవియోగంతో బాధపడుతున్న రావు రమేష్ సినీ ప్రముఖులు తీవ్ర సంతాపాన్ని వ్యక్తం చేస్తున్నారు. రావు రమేష్ నివాసానికి వెళ్లి కమలకుమారికి పలువురు శ్రద్ధాంజలి ఘటిస్తున్నారు.