రొమాంటిక్ జోడీ షారుక్-కాజోల్....రేర్ ఫోటోలు

By Bojja Kumar

Published: Tuesday, January 8, 2013, 17:43 [IST]

ముంబై : బాలీవుడ్ బాద్ షా షారుక్ ఖాన్ ఇప్పటి వరకు తన కెరీర్లో ఎంతో మంది హీరోయిన్లతో రొమాన్స్ చేసాడు. కానీ ఇప్పటికీ ఆయనతో బాగా కెమిస్ట్రీ వర్కౌట్ అయిన హీరోయిన్ ఎవరంటే మాత్రం చాలా మంది చెప్పే పేరు కాజోల్. 'దిల్‌వాలా దుల్హనియా లే జాయేంగే' చిత్రంలో వీరి మధ్య కెమిస్ట్రీ బాగా వర్కౌట్ అయింది. బాలీవుడ్‌లో ఎక్కువగా గుర్తింపు పొందిన జోడీల్లో వీరి జోడీ ఒకటని చెప్పడంలో అసలు డౌటే లేదు.

చివరి సారిగా ఈ జోడీ కరణ్ జోహార్ దర్శకత్వంలో వచ్చిన 'మై నేమ్ ఈజ్ ఖాన్' చిత్రంలో కలిసి నటించారు. విమర్శకుల ప్రశంసలు పొందిన ఈచిత్రం అనేక అవార్డులు కూడా సొంతం చేసుకుంది. షారుక్-కాజోల్ కలిసి నటించిన తొలి సినిమా 'బాజీగర్'. షారుక్ ఈచిత్రంలో నెగెటివ్ రోల్ పోషించినప్పటికీ ఈ జంటను ప్రేక్షకులు ఇష్టపడ్డారు.

బాజీగర్ చిత్రం తర్వాత షారుక్-కాజోల్....కరణ్ అర్జున్, దిల్‌వాలా దుల్హనియా లే జాయేంగే, కుచ్ కుచ్ కుచ్ హోతా హై, కభీ ఖుషీ కభీ గమ్, మైనేమ్ ఈజ్ ఖాన్ చిత్రాల్లో నటించారు. షారుక్-కాజోల్ కలిసి ఉన్న కొన్ని రేర్ అండ్ అన్ సీన్ పిక్చర్స్‌పై ఓ లుక్కేద్దాం.....