విజయ్‌తో అనగానే అమ్మానాన్న వద్దన్నారు.. అతడి కోసం ఎన్నో దాటుకుని వచ్చా: రష్మిక

ఫైట్ చేయాలి

ఈ ఫంక్షన్‌లో రష్మిక ఫైట్ అనే కాన్సెప్ట్ గురించి ముందుగా మాట్లాడింది. ఆ సమయంలో అభిమానులు పెద్ద ఎత్తున గోల చేశారు. దీంతో రష్మిక ‘‘మీతో మాట్లాడాలంటే కూడా ఫైట్ చేయాల్సి వస్తుంది. మీరు వినాలంటే నేను ఫైట్ చేయాలి. అసలు ఫైట్ అంటే ఒకరిని కొట్టడం కాదు.. నువ్వు నీ శరీరంతో ఫైట్ చేయాలి.. నువ్వు నీ వ్యక్తిత్వంతో ఫైట్ చేయాలి.. నువ్వు నీ పరిసరాలతో ఫైట్ చేయాలి. అన్ని చేశాకే ఇక్కడకు రావాలి'' అంటూ చెప్పుకొచ్చింది.

అందరితో ఫైట్ చేసి వచ్చా

ఈ సందర్భంగా తన లైఫ్ గురించి రష్మిక రెండు విషయాలు చెప్పింది. ‘‘నేను ఇండస్ట్రీకి రావాలంటే.. అమ్మానాన్న, ఫ్యామిలీ, ఫ్రెండ్స్ ఇలా అందరితో ఫైట్ చేసి వచ్చా. ఎందుకంటే ప్రతి ఒక్కరూ ఫిల్మ్ ఇండస్ట్రీకి వెళ్లకు. అది అంత మంచిది కాదు.. ముఖ్యంగా అమ్మాయిలకు ఎన్నో ఇబ్బందులు ఉంటాయి అని చెప్పారు. కానీ, వచ్చా'' అని రష్మిక తెలిపింది.

విజయ్ కోసం ఫైట్ చేశా

ఈ సినిమా కథ నచ్చడంతో తన అమ్మానాన్నతో ఫైట్ చేశానన్న రష్మిక.. ‘‘ఈ స్క్రిప్ట్ నాకెంతగానో నచ్చింది. అప్పుడే ఇది ఎలాగైనా చేయాలి అనుకున్నా. కానీ, అమ్మానాన్నను ఒప్పించడానికి ఫైట్ చేశా. ఇది మా ఇంట్లో జరిగిన దురదృష్టకరమైన సంఘటన. ఈ సినిమా చేయొద్దన్నారు. ఎందుకు విజయ్‌తో ఇంకో సినిమా చేస్తున్నావ్..? వద్దు చేయొద్దన్నారు'' అని రష్మిక వెల్లడించింది.

క్రికెట్ వల్ల ఎన్నో ఇబ్బందులు

ఈ సినిమాలో రష్మిక క్రికెట్ ప్లేయర్‌గా కనిపించనున్న విషయం తెలిసిందే. దీనిపై స్పందిస్తూ ‘‘ముందు నుంచీ చెబుతూనే ఉన్నా. నాలుగు నెలలు క్రికెట్ ప్రాక్టీస్ చేశాను. ఈ నాలుగైదు నెలల్లో నా శరీరం మొత్తం మారిపోయింది. నా భుజం తప్పుకుంది. నా కాలు బెనికింది. ఆ సమయంలో నేను నా బాడీతో ఫైట్ చేశా'' అని ఆమె వివరించింది.

బ్లెడీ అమేజింగ్ యాక్టర్‌తో చేస్తున్నా

ఈ సినిమాలో ఏం చేయాలన్నా ఫైట్ చేశానని చెప్పిన రష్మిక.. విజయ్ గురించి మాట్లాడింది. ‘‘నేను బ్లెడీ అమేజింగ్ యాక్టర్‌తో చేస్తున్నా అని అనిపించినప్పుడల్లా ఇంకొంచెం కష్టపడాలని అనిపించింది. అతడు సినిమా కోసం ఏం చేస్తాడో.. ఎలా కష్ట పడతాడో చూశాక.. విజయ్‌పై గౌరవం పెరిగింది. అతడు నాకు ఫ్రెండ్ అని చెప్పుకోడానికి గర్వంగా ఉంది'' అని ఆమె చెప్పింది.