రష్మికను భాగస్వామిని చేసుకోబోతున్న విజయ్ దేవరకొండ.. ఇకపై ఆమె..

రౌడీ బ్రాండ్ ఏర్పాటు

‘అర్జున్ రెడ్డి'తో భారీ ఫ్యాన్ ఫాలోయింగ్‌ను ఏర్పరచుకున్న విజయ్ దేవరకొండ.. వ్యాపార రంగంలోకీ అడుగు పెట్టాడు. తనను అభిమానులు ముద్దుగా పిలుచుకునే ‘రౌడీ' పేరిటే.. మెన్స్‌వేర్‌ స్టోర్స్‌ను స్టార్ట్ చేశాడు. ఇప్పటికే హైదరాబాద్ సహా చాలా చోట్ల విజయ్ తన స్టాల్స్‌ను ఏర్పాటు చేశాడు. మరికొన్నింటిని కూడా మొదలు పెట్టేందుకు ప్రయత్నాలు చేస్తున్నాడు.

సరికొత్తగా ప్రమోషన్

తన బ్రాండ్ దుస్తులకు ప్రమోషన్ చేసే విషయంలోనూ విజయ్ దేవరకొండ వైవిధ్యం ప్రదర్శిస్తుంటాడు. ప్రెస్ మీట్లు, సినిమా ఫంక్షన్లు ఇలా.. బయట అతడు ఎక్కడికి వెళ్లాలన్నా రౌడీ బ్రాండ్ దుస్తులనే వేసుకుని వెళ్తుంటాడు. అంతేకాదు, ఈ ప్రమోషన్ కోసం అతడు గతంలో కొన్ని ప్రత్యేకమైన షోలు కూడా ఏర్పాటు చేశాడు.

అమేజాన్‌తో డీల్

తన వ్యాపారాన్ని మరింత విస్తృతం చేయాలనే లక్ష్యంతో ఆన్‌లైన్ షాపింగ్ దిగ్గజం అమేజాన్‌తో విజయ్ దేవరకొండ ఇటీవల ఒప్పందం కుదుర్చుకున్నాడు. తన రౌడీ బ్రాండ్ దుస్తులను సదరు సంస్థలో అమ్మకాలు జరిపేటట్లు విజయ్ డీల్ చేసుకున్నాడు. ఇక, అప్పటి నుంచి రౌడీ బ్రాండ్ మెన్స్‌వేర్ ఆన్‌లైన్ ద్వారా అందుబాటులోకి వచ్చాయి.

ఇప్పుడు రష్మికతో ‘లేడీ రౌడీ'

ఇప్పటి వరకు మెన్స్‌వేర్‌కే పరిమితమైన విజయ్.. త్వరలోనే లేడీస్‌వేర్‌ను సైతం ప్రారంభించబోతున్నట్లు తెలుస్తోంది. ఇందుకోసం అతడు తన రియల్ పార్ట్‌నర్ రష్మిక మందన్నాను వ్యాపార భాగస్వామిగా చేసుకోబోతున్నాడని సమాచారం. ఈ మేరకు వీళ్లిద్దరి మధ్య ఇప్పటికే చర్చలు కూడా జరిగాయని ఫిలింనగర్‌లో ఓ వార్త హల్‌చల్ చేస్తోంది.

వీళ్లిదరూ చేస్తున్న చిత్రం

విజయ్ దేవరకొండ - రష్మిక తాజాగా నటించిన చిత్రం ‘డియర్ కామ్రేడ్'. మైత్రీ మూవీ మేకర్స్ బ్యానర్‌పై వస్తున్న ఈ సినిమాను భరత్ కమ్మ అనే నూతన దర్శకుడు తెరకెక్కిస్తున్నాడు. ఇప్పటికే విడుదలైన ఈ సినిమా టీజర్, ట్రైలర్‌కు భారీ స్పందన వచ్చింది. దీంతో ఈ సినిమాపై అంచనాలు ఊహించని విధంగా పెరిగిపోయాయి. ఈ సినిమా జూలై 28న ప్రేక్షకుల ముందుకు వస్తోంది.