నిర్మాతగా మారుతున్న మరో దర్శకుడు

By Staff

Published: Wednesday, March 11, 2026, 5:43 [IST]

సాధారణంగా సినిమా ఆఫర్లు లేక డైరక్టర్లు నిర్మాత అవతారమెత్తుతూంటారు. దాదాపు పెద్ద దర్శకులు,హీరోలు అంతా పడి పోయినప్పుడు తమని తాము నిలబెట్టుకోవటం కోసం అలా సినిమాలు సొంత డబ్బులతో తీసుకున్నవారే. అలా కాకుండా దాన్ని బ్రేక్ చేస్తూ తన టేస్టుకు అణుగుణమైన సినిమాలు తీయటం కోసం 'యజ్ఞం' తో పాపులర్ అయిన ఎఎస్ రవికుమార్ చౌదరి ఇప్పుడు నిర్మాతగా మారుతున్నాడు. దాని కోసం ఆయన రుగ్వేద ఆర్ట్స్ అనే నిర్మాణ సంస్థను నెలకొల్పాడు. రుగ్వేద అనేది ఆయన కుమార్తె పేరు. ఈ బానర్‌పై త్వరలో ఒక సినిమాను ప్రారంభించాలని రవికుమార్ భావిస్తున్నాడు.

ఇప్పటికే దీనికి సంబంధించిన స్క్రిప్ట్ సిద్ధమైంది. అది యూత్ కి పట్టే అందమైన ప్రేమకథట. ఆ ప్రేమకథలోనే అన్ని రకాల కమర్షియల్ ఎలిమెంట్స్ వుంటాయి. వాస్తవానికి 'ఆటాడిస్తా' తర్వాత రవికుమార్ డైరెక్షన్‌లో సినిమా నిర్మించేందుకు ఒక ఎన్నారై నిర్మాత ముందుకు వచ్చారు. అయితే రాజీ పడకుండా తాననుకున్నట్లు సినిమా తీయాలంటే స్వయంగా నిర్మాణంలోకి దిగడమే బెటరని ఆయన భావిస్తున్నారు. దాంతో తాను అనుకున్న విథంగానే సినిమా తియ్యటమే కాక లాభ నష్టాలకి తనదే భాధ్యత ఉంటుంది.త్వరలో అతను తన నిర్మాణ సంస్థను లాంఛనంగా ప్రారంభించనున్నాడు.బెస్టాఫ్ లక్

More from Filmibeat