Don't Miss!
- Sports SRH vs RCB: ఫుల్ టాస్కు ఔటైన మార్క్రమ్.. నవ్వు ఆపుకోలేకపోయిన కోహ్లీ!వీడియో
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- News కాలేజ్ అమ్మాయి ఇంటికి వెళ్లిన సీఎం, పోలింగ్ కు ఒక్కరోజు ముందు ప్రతిపక్షాలకు ఝలక్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
పూరీపై అభిమానంతో రవితేజ గెస్ట్ రోల్
హైదరాబాద్: రవితేజ త్వరలో ఓ గెస్ట్ రోల్ లో కనిపించి మురిపించనున్నారు. పూరీ జగన్నాధ్ తమ్ముడు సాయిరామ్ శంకర్ హీరోగా నటిస్తున్న 'రోమియో'లో రవితేజ కనిపిస్తాడు. సినిమాలో రవితేజ అలా వచ్చి వెళ్లిపోవటం కాదని, ఓ సర్పైజ్ గా ఉంటుందని చెప్తున్నారు. సినిమాలో కథను మలుపు తిప్పేదిగా ఈ గెస్ట్ పాత్ర ఉంటుందని చెప్తున్నారు. పూరీ జగన్నాధ్ స్క్రిప్టు వర్క్ చేసిన ఈ చిత్రానికి ఆయన శిష్యుడు గోపీ గణేష్ డైరక్ట్ చేస్తున్నాడు. ఈ చిత్రానికి 'పూరి రాసిన ప్రేమకథ' అనేది ఉపశీర్షిక.
అడోనిక (పరిచయం) హీరోయిన్ గా చేస్తున్న ఈ చిత్రాన్ని మహర్షి సినిమా పతాకంపై వల్లూరిపల్లి రమేష్ నిర్మిస్తున్నారు. దర్శకుడు మాట్లాడుతూ ''చరిత్రలో నిలిచిపోయిన ప్రేమజంట రోమియో- జూలియెట్. వీరు యూరప్లో కలిసే ప్రదేశం 'వెరోనా'. ఈ ప్రాంతంలో జరిగే ప్రేమకథే 'రోమియో. కథ, మాటలు ఇచ్చారు కాబట్టి ఉపశీర్షిక పూరి పేరు మీదే నిర్ణయించాం''అన్నారు. తనకూ పూరీ జగన్నాధ్ కి ఉన్న స్నేహంతో ఈ గెస్ట్ పాత్రను ఒప్పుకున్నాడని తెలుస్తోంది.
మరో ప్రక్క రవితేజ తాజా చిత్రంలో నారా రోహిత్ గెస్ట్ రోల్ చేస్తున్నారు. రవితేజ, కాజల్ కాంబినేషన్ లో 'సార్ వస్తారు' టైటిల్ తో ఓ చిత్రం తెరకెక్కుతున్న సంగతి తెలిసిందే. పరుసరామ్ దర్శకత్వంలో రూపొందుతున్న ఈ చిత్రాన్ని అశ్వనీదత్ నిర్మిస్తున్నారు. ఈ చిత్రంలో మరో యంగ్ హీరో నారా రోహిత్ స్పెషల్ రోల్ చేస్తున్నారు. ఆ పాత్ర కథను కీలకమైన మలుపు తిప్పనుందని తెలుస్తోంది. గతంలో పరుసరామ్,నారా రోహిత్ కాంబినేషన్ లో సోలో అనే చిత్రం రూపొందింది. ఈ అనుబంధంతో ఈ ప్రత్యేక పాత్రకు నారా రోహిత్ గ్రీన్ సిగ్నల్ ఇచ్చినట్లు సమాచారం.
ఈ ప్రాజెక్టు నిమిత్తం రవితేజ రెమ్యునేషన్ తీసుకోకుండా కేవలం షేర్ మాత్రం తీసుకునేటట్లు ఎగ్రీ అయ్య శక్తి ప్లాప్ తో లాస్ లో ఉన్న నిర్మాతకు భారం తగ్గించాడని తెలుస్తోంది. అలాగే దర్శకుడు పరుశరామ్ కి సైతం రెమ్యునేషన్ ని సినిమా పూర్తయ్యి అమ్ముడయ్యాక తీసుకునేడట్లు ఎగ్రిమెంట్ చేయించాడని చెప్పుకుంటున్నారు. అలా ఓ పెద్ద నిర్మాతను రవితేజ నిలబెట్టే ప్రయత్నం చేస్తున్నాడని చెప్పుకుంటున్నారు. అందులోనూ గతంలో రవితేజ, పరుశరామ్ కాంబినేషన్ లో ఆంజనేయులు చిత్రం వచ్చింది. ఇప్పుడు అదే కాంబినేషన్ రిపీట్ చేస్తూ యాక్షన్ ఎంటర్టనర్ చేస్తున్నట్లు వినికిడి. ఇక రవితేజ ప్రస్తుతం చేసిన దరువు చిత్రం రిలీజ్ అయ్యి ప్లాప్ టాక్ తెచ్చుకుంది.