చిరుకు దూరమైన రవితేజ?

By Staff

| Published: Friday, November 7, 2008, 16:00 [IST]

ఎలక్షన్స్ దగ్గర కొచ్చే కొద్దీ సినీ పరిశ్రమల్లోని ఒక్కక్కరే పార్టీ ప్రచారాలతో బయిటకు వస్తున్నారు. అందులోనూ రెండు రోజుల క్రిందట నాగార్జున కాంగ్రేస్ పార్టీకి మధ్ధతుగా యాడ్స్ చేసి సంచలనం సృష్టించిన సంగతి తెలిసిందే. దాంతో పరిశ్రమలో ఇంకా పార్టీ వైపుకి వెళ్ళని మిగిలిన హీరోల గురించి చర్చలు మొదలయ్యాయి. అందులో ముఖ్యంగా వెంకటేష్,రవితేజ పేర్లు మొదటిగా విన్పిస్తున్నాయి. జగపతిబాబు లాంటి వాళ్ళని ఎవరూ పట్టించుకోవటం లేదు.

ఇక ఇప్పటి దాకా ఎటువైపూ ముద్రవేయించుకోని వెంకటేష్ ఏ పార్టీకీ వెళ్ళడనీ ఓ ప్రక్క ప్రచారం జరుగుతూంటే...రవితేజ పరిస్దితి మరోలా ఉంది. రవితేజ ఇన్నాళ్ళూ చిరంజీవి వర్గీయుడుగా పరిశ్రమలో పేరు సంపాదించాడు. ఓ ప్రక్క శ్రీకాంత్..మరో ప్రక్క రవితేజ అన్నంతగా పరిస్ధితి వచ్చింది. అయితే రవితేజ.. చిరంజీవి ప్రజారాజ్యం పార్టీ పెట్టినప్పటినుండీ అటు వైపు అడుగు వెయ్యటం లేదు.

ఏ ఛానెల్ కీ వెళ్ళి రాజకీయం మాట్లాడటం లేదు. ఎవరన్నా ఈ టాపిక్ షూటింగ్ సమయంలో ఎత్తితే సున్నితంగా కట్ చేస్తున్నాడు. దాంతో ఇదంతా చూసిన వారు రవితేజ కి దూరదృష్టి ఎక్కువేనంటున్నారు. ఒక పార్టీ వైపు వెళ్ళి మిగతా వారికి విరోధమయ్యే కన్నా న్యూట్రల్ గా ఉండటం పరిష్కారమనుకుంటున్నాడని చెప్తున్నారు.