రవితేజ 'మిరపకాయ్' చిత్రం విడుదల ఎప్పుడంటే...

రవితేజ, రిచా గంగోపాధ్యాయ్, దీక్ష కాంబినేషన్ లో రూపొందుతున్న 'మిరపకాయ్' చిత్రం డిసెంబర్ రెండువ వారంలో విడుదల చేయటానికి సన్నాహాలు చేస్తున్నట్లు సమాచారం. ఎల్లో ఫ్లవర్స్ పతాకంపై రమేశ్ పుప్పాల నిర్మిస్తోన్న ఈ చిత్రం ప్రస్తుతం యూరప్‌ లో పాటల చిత్రీకరణ జరుపుకుంటోంది. గతంలో రవితేజతో షాక్ చిత్రం డైరక్ట్ చేసిన హరీశ్ శంకర్ ఈ చిత్రాన్ని వినోదాత్మకంగా రూపొందిస్తున్నారు. ఇక ఈ చిత్రం ప్రోగ్రెస్ గురించి నిర్మాత రమేశ్ మీడియాకు తెలియజేస్తూ...బ్యాంకాక్ ‌లో పన్నెండు రోజుల పాటు భారీ ఎత్తున చిత్రీకరించిన క్లైమాక్స్ చాలా గొప్పగా వచ్చింది. ఈ నెల మూడు నుంచి పద్నాలుగు రోజులపాటు యూరప్‌లోని జర్మనీ, ఆస్ట్రియా, చెక్ రిపబ్లిక్, ఫ్రాగ్ దేశాల్లో చిత్రీకరిస్తున్నాం. రవితేజ, రిచాలపై రెండు పాటల్నీ, రవితేజ, దీక్షపై ఓ పాటనీ రాజు సుందరం నృత్య దర్శకత్వంలో తీస్తున్నాం. దీంతో షూటింగ్ మొత్తం అయిపోతుంది. రవితేజ...తన బాడీ లాంగ్వేజ్ ‌కు తగ్గట్లుగా అందర్నీ వినోదింపజేసే మాస్ రోల్‌ ని పోషిస్తున్నారు. డిసెంబర్ చివరి వారంలో చిత్రాన్ని విడుదల చేయాలని సంకల్పించాం అన్నారు.