ఎవరైనా రవితేజ ముందు 'బలాదూర్'

By Staff

Published: Thursday, March 12, 2026, 13:24 [IST]

"నా ముందు ఎంతటివాడైనా బలాదూర్!" అంటూ బిల్డప్ కోసం చెప్పే డైలాగులు వింటూటం. అలాగే "వాడు ఎప్పుడు చూసినా బలాదూర్ గా తిరుగుతూంటాని" వెటకారంగా అంటూండటం మనం వింటూండటం అతి సహజం. దాంతో 'బలాదూర్' పదమేదో బాగుంది అనుకుని దర్శకుడు ఉదయ్ శంకర్ తన సినిమాకి అదే టైటిల్ గా ఫిక్స్ చేసేద్దామనుకుంటున్నాడు. అందులోనూ ఆ సినిమా లో హీరో రవితేజ . ఇక అతని టైటిల్స్ 'ఇడియట్', 'ఖతర్నాక్' 'వీడే 'అంటూ అల్లరి చిల్లరిగా ఉంటాయి.

సురేష్ ప్రొడక్షన్స్ బానర్‌పై డి. సురేష్‌బాబు నిర్మిస్తున్న సినిమాకు ఈ టైటిల్ పెట్టే అవకాశాలు ఎక్కువగా కనిపిస్తున్నాయి. 'కలిసుందాం రా' ఫేమ్ ఉదయశంకర్ దర్శకత్వం వహిస్తున్న ఈ చిత్రంలో అనుష్క హీరోయిన్. 'విక్రమార్కుడు' తర్వాత రవితేజ, అనుష్క జంటగా నటిస్తున్న సినిమా కావటంతో ట్రేడ్ లో ఇంట్రస్టుగా ఉంది. అంతేగాక సీనియర్ నటుడు కృష్ణ ఒక కీలక పాత్రలో మరో విశేషం. ఈ సినిమాకు కె.ఎం రాధాకృష్ణన్ సంగీతం సమకూరుస్తుండగా, మణిశర్మ రీ రికార్డింగ్ అందించనున్నాడు. ప్రస్తుతం ఈ చిత్రం నిర్మాణాంతర కార్యక్రమాలు జరుపుకుంటోంది.

More from Filmibeat