విచిత్రంగా ఉందే.... హీరో రవితేజ నేల టికెట్?

రవితేజ నేల టికెట్

ప్రస్తుతం ‘టచ్‌ చేసి చూడు' చిత్రం చేస్తున్న రవితేజ తన తర్వాతి మూవీ కళ్యాణ్‌కృష్ణ దర్శకత్వంలో చేయబోతున్నారు. ఈ చిత్రానికి ‘నేల టికెట్' అనే టైటిల్ పెట్టే ఆలోచనలో ఉన్నట్లు సమాచారం. కళ్యాణ్ కృష్ణ గతంలో సోగ్గాడే చిన్ని నాయనా సినిమాకు దర్శకత్వం వహించిన సంగతి తెలిసిందే.

విచిత్రంగా ఉంది...

‘నేల టికెట్' టైటిల్ వినడానికి విచిత్రంగా ఉందని, రవితేజ నుండి ఇలాంటి సినిమా వస్తుందని ఎవరూ ఊహించరు అని దీని గురించి చర్చించుకుంటున్నారు. గ్రామీణ నేపథ్యంలో, సినిమా బ్యాగ్రౌండ్ తో ఈ చిత్రం సాగనుందని తెలుస్తోంది.

జనవరి మొదటి వారంలో క్లారిటీ

రవితేజ-కళ్యాణ్ కృష్ణ కాంబినేషన్లో వస్తున్న ఈ చిత్రం ప్రారంబోత్సవం జనవరి 5వ తేదీ ప్లాన్ చేస్తున్నారు. మరి ఈ చిత్రానికి ‘నేల టికెట్' టైటిల్ ఫైనల్ చేస్తారా? లేక మరేదైనా టైటిల్ పెడతారా? అనేది అప్పుడే ఓ క్లారిటీ రానుంది.

హీరోయిన్ ఎవరు?

‘నేల టికెట్' చిత్రంలో నివేథా థామస్‌ను హీరోయిన్‌గా తీసుకునే అవకాశం ఉన్నట్లు తెలుస్తోంది. ఈ సినిమాకు సంబంధించిన ఇతర విషయాలపై త్వరలోనే ఓ క్లారిటీ రానుంది.

ఫాంలోకి వచ్చిన రవితేజ

ఆ మధ్య వరుస పరాజయాలు ఎదుర్కొన్న రవితేజ ‘రాజా ది గ్రేట్' సినిమా ద్వారా మళ్లీ ఫాంలోకి వచ్చారు. ప్రస్తుతం విక్రమ్ సిరి దర్శకత్వంలో ‘టచ్ చేసి చూడు' సినిమా చేస్తున్న సంగతి తెలిసిందే. ఈ చిత్రాన్ని రవితేజ పుట్టినరోజు(జనవరి 26) సందర్భంగా రిలీజ్ చేసేందుకు ప్లాన్ చేస్తున్నారు.