పరశురాం దర్శకత్వంలో రవితేజ సినిమా..?

నారా రోహిత్ హీరోగా వచ్చిన 'సోలో' సినిమాతో హిట్ అందుకున్న దర్శకుడు పరశురాం తర్వాతి సినిమాకు ప్లాన్ చేసుకుంటున్నాడు. హీరో రవితేజను దృష్టిలో పెట్టుకుని పరశురాం ఇటీవల ఓ కథను తయారు చేసుకున్నాడని, రవితేజ బాడీ లాంగ్వేజ్‌కు సరిగ్గా సరిపోయే ఈ కథను ఇటీవల రవితేజకు వినిపించాడని, ఇది విన్న వెంటనే ఎంతో ఎగ్జైట్ అయిన రవితేజ వెంటనే ఓకే చెప్పాడని సినీ వర్గాల సమాచారం. ఈ చిత్రాన్ని వై.జయంతి మూవీస్ పతాకంపై అశ్వినీదత్ నిర్మించేందుకు సన్నాహాలు చేస్తున్నారని తెలుస్తోంది. గతంలో రవితేజ-పరశురాం కాంబినేషన్లో 'ఆంజనేయులు' సినిమా వచ్చింది. అయితే ఆ సినిమా పెద్దగా విజయం సాధించ లేక పోయింది.

రవితేజ ప్రస్తుతం శివ దర్శకత్వంలో 'దరువు' చిత్రంలో నటిస్తున్నాడు. ఈ సినిమా తర్వాత రవితేజ...పూరి జగన్నాథ్ దర్శకత్వంలో దేవుడు చేసిన మనుషులు చిత్రంలో నటించబోతున్నాడు. ఈ రెండు చిత్రాలపూ పూర్తయిన తర్వాత పరశురాం-రవితేజ కాంబినేషన్ ఓ కొలిక్కి వచ్చే అవకాశం ఉంది.

రవితేజ హరోగా గుణశేఖర్ దర్శకత్వంలో వివైఎస్ చౌదరి నిర్మించిన 'నిప్పు' చిత్రం ఇటీవల విడుదలై మిక్స్‌డ్ టాక్‌‍తో ముందుకు సాగుతోంది. దీక్ష సేథ్ ఈచిత్రంలో హీరోయిన్ గా నటించింది. తమన్ సంగీతం అందించారు.