రవితేజ ‘పవర్’ టాక్ ఎలా ఉందంటే... (ట్వీట్ రివ్యూ)

By Bojja Kumar

Published: Friday, September 12, 2014, 12:22 [IST]

హైదరాబాద్: మాస్ మహారాజ రవితేజ నటించిన ‘పవర్' మూవీ ఈ రోజు(సెప్టెంబర్ 12) గ్రాండ్‌గా రిలీజైంది. గతంలో రవితేజ నటించిన ‘బలుపు', ‘డాన్ శ్రీను' చిత్రాలతో పాటు ‘మిస్టర్ పర్ ఫెక్ట్' చిత్రాలకు స్టోరీ అందించిన పాపులర్ స్క్రీన్ రైటర్ కెఎస్ రవింద్ర(బాబీ) తాజాగా ‘పవర్' చిత్రం ద్వారా దర్శకుడిగా పరిచయం అవుతున్నాడు. కాంబినేషన్ అదిరిపోవడంతో ఈ చిత్రంపై ముందు నుండి భారీ అంచనాలే ఉన్నాయి.

రొమాంటిక్ యాక్షన్ స్టోరీకి హై రేంజిలో కామెడీ కంటెంట్ యాడ్ చేసి ఈ చిత్రాన్ని తెరకెక్కించారు. ప్రముఖ రచయితలు కోన వెంకట్, మోహన్ కృష్ణ, కె చక్రవర్తి లాంటి వారు ఈచిత్రానికి కథా సహకారం అందించారు. ఈ చిత్రంలో రవితేజ ద్విపాత్రాభినయం చేసారు. విక్రమార్కుడు, మిరపకాయ్ తర్వత మూడోసారి పోలీస్ ఆఫీసర్ పాత్రలో కనినించారు. హాట్ హీరోయిన్లు హన్సిక, రెజీనా రవితేజతో రొమాన్స్ చేస్తూ సినిమాకు మరింత గ్లామర్ అద్దారు.

కన్నడ ఫిల్మ్ మేకర్ రాక్ లైన్ వెంకటేష్ ఈచిత్రాన్ని తన సొంత బేనర్ రాక్ లైన్ ఎంటర్టెన్మెంట్స్ పతాకంపై తెరకెక్కించారు. భారీ బడ్జెట్, భారీ తారగణం కలిగిన చిత్రం కావడంతో ప్రమోషన్లు కూడా అదే రేంజిలో నిర్వహించారు. రిలీజ్ విషయంలోనూ నిర్మాతన తన రేంజి చూపిస్తూ ఎక్కువ థియేటర్లలో విడుదల చేసారు. తమన్ అందించిన సంగీతానికి ఇప్పటికే మంచి రెస్పాన్స్ వచ్చింది. ఇప్పటికే పలు ప్రాంతాల్లో అభిమానుల కోసం ప్రత్యేకంగా బెనిఫిట్ షోలు వేసారు. మరి సినిమా చూసిన అభిమానులు ట్విట్టర్ ట్వీట్స్ రూపంలో సినిమాపై తమ అభిప్రాయాలు బయటప పెట్టారు.

సినిమా ఫస్టాప్ వినోదాత్మకంగా ఉందని...అయితే సెకండాఫ్ లో హెవీ సెంటిమెంటు పెట్టంతో సినిమా ఓవరాల్ యావరేజ్ అని అంటున్నారు. స్లైడ్ షోలో ఫ్యాన్స్ అభిప్రాయాలు....

కార్తీక్

పవర్ మూవీ సెకండాఫ్ బోరింగ్‌గా ఉంది. జస్ట్ యావరేజ్. రభసకు ఈక్వల్ గా ఉంది.

యతి

మాస్ మహారాజ ఇంట్రడక్షన్ బాగుంది. ‘మాస్ అంటే బస్ పాస్ కాదు బే' డైలాగ్ బాగుంది. బ్రహ్మీ ఆణిముత్యం, ఫస్ట్ సాంగ్, దేవుడా దేవుడా...సాంగులు స్క్రీన్ పై బాగున్నాయి.