మాస్ పల్స్ బాగా తెలిసిన డైరెక్టర్: రవితేజ

By Sindhu

| Published: Thursday, August 18, 2011, 17:23 [IST]

మాస్ మహారాజా రవితేజ హీరోగా శ్రీమతి నాగమునీశ్వరి సమర్పణలో శ్రీ వెంకటేశ్వర ఎంటర్ టైన్ మెంట్ లిమిటెడ్ పతాకం పై 'శౌర్యం" శివ దర్శకత్వంలో ప్రొడక్షన్ నెం14గా ప్రముఖ నిర్మాత బూరగపల్లి శివరామకృష్ణ నిర్మిస్తున్న చిత్రం షూటింగ్ ఆగస్ట్ 18న హైదరాబాద్ లోని సంస్థ కార్యాలయంలో ప్రారంభమైంది. దేవుని పటాలపై షాట్ ను చిత్రీకరించారు.

ఈ సందర్భంగా రవితేజ మాట్లాడుతూ 'శివ సెన్సిబుల్ డైరెక్టర్. అతనికి మాస్ పల్స్ బాగా తెలుసు. అతను చెప్పిన కథ ఎంతో ఇన్ స్పైరింగ్ గా వుంది. బూరుగపల్లి శివరామకృష్ణగారి బేనర్ లో ఓ మంచి ఎంటర్ టైనర్ ను చేస్తున్నందుకు చాలా హ్యాపీగా వుంది" అన్నారు.

దర్శకుడు శివ మాట్లాడుతూ: 'రవితేజ ఇప్పటి వరకు చెయ్యని క్యారెక్టర్ ఇది ఎంటర్ టైన్ మెంట్ కు ఇంపార్టెన్స్ ఇస్తూ చేస్తున్న ఈ సినిమాలో అన్ని కమర్షియల్ ఎలిమెంట్స్ వుంటాయి. మంచి మాస్ ఎంటర్ టైనర్ గా ఈ చిత్రం రూపొందనుంది. రవితేజ బూరుగపల్లి శివరామకృష్ణలతో కలిసి వర్క్ చేయడం ఆనందంగా ఉంది అన్నారు.

నిర్మాత బూరుగుపల్లి శివరామకృష్న మాట్లాడుతూ 'మంచి ఎనర్జీ వున్న హీరో రవితేజ అంటే నాకు చాలా ఇష్టం. రవితేజ మా బేనర్ లో ఫస్ట్ టైమ్ నటిస్తున్నాడు. దర్శకుడు శివ మా సొంత డైరెక్టర్ లా మాలో కలిసిపోయాడు. వీరిద్దరి కాంబినేషన్ లో రూపొందుతున్న మంచి సినిమా ఇది అన్నారు. రవితేజ, డా రాజేంద్రప్రసాద్, డా బ్రహ్మానందం, అలీ ఎంఎస్ నారాయణ, ధర్మవరపు సుబ్రహ్మణ్యం, రఘుబాబు, షాయాజీ షిండే, ప్రధాన పాత్రలు పోషిస్తున్న ఈ చిత్రానికి కథ: శివ, ఆదినారాయణ. మరి ఈ చిత్రంలో హీరోయిన్ ఎవరనేది ఇంకా ఖరారు కాలేదు.. తదిత విషయాలు త్వరలో తెలియనున్నాయి.

Comments

English summary

Ravi Teja’s new film in the direction of Shiva has been launched today [18th August] in Hyderabad with a formal puja. Shiva has earlier directed Souryam with Gopichand and Anushka in the leads. The new project will be produced by Boorugapalli Sivaramakrishna under Sri Venkateswara Entertainments banner.

Story first published: Thursday, August 18, 2011, 17:23 [IST]

Other articles published on Aug 18, 2011