For Quick Alerts
    ALLOW NOTIFICATIONS  
    For Daily Alerts

    ఎన్నారై బ్యాక్ డ్రాప్ లో 'మరో చరిత్ర'?

    By Staff
    |

    Maro Charitra
    ప్రస్తుతం నాగ చైతన్య సినిమా హడావిడి లో వున్న దిల్ రాజు ఫిబ్రవరి నెల చివర్లో బాల చందర్ చిత్రం మరో చరిత్ర ను పునర్ నిర్మించనున్నారనే వార్తలు వినపడుతున్నాయి. కొత్త బంగారు లోకం హీరో వరుణ్ సందేష్ ఈ చిత్రం లో కూడా హీరో గా నటించనున్నట్లూ, మిక్కీ జె మేయర్ సంగీతాన్ని అందించనున్నట్లు తెలియవచ్చింది. రేస్ చిత్రానికి సినిమాటోగ్రఫీ ని అందించిన రవి యాదవ్ ఈ చిత్రాన్ని డైరెక్ట్ చేయనున్నారు (నీలకంఠ షో చిత్రానికి కూడా ఈయన కెమెరాని అందించారు).

    ఇప్పటికే బాలచందర్ వద్ద ఈ చిత్రం హక్కులను సొంతం చేసుకొన్న దిల్ రాజు ఈ చిత్రం షూటింగ్ మొత్తాన్ని యు.యస్ లోనే షూట్ చేయనున్నట్లు తెలియవచ్చింది. ఒకప్పటి క్లాసిక్స్ ని మళ్ళీ తీయడమే ఒక సాహసం అనుకొంటే లెజెండ్ కమల్ హాసన్ వంటి ఆర్టిస్ట్ చేసిన పాత్రని అమెచ్యూర్ వరుణ్ తో తీయడం ఇంకా పెద్ద సాహసం గానే చెప్పుకోవాలి. ఏది ఏమైనా తీస్తుంది దిల్ రాజు కాబట్టి ఈ చిత్రం కూడా హిట్టే అవుతుందేమో అనే వారు లేకపోలేదు.

    ఇక ఈ చిత్రం ఎన్నారైల ప్రేమ కథగా స్క్రిప్టు మార్చారని కొన్ని టాక్స్ వినపడుతున్నాయి. అప్పట్లో తమిళ కుర్రాడికీ,ఆంధ్రా అమ్మాయికీ మధ్య నడిచే లవ్ స్టోరీగా వచ్చింది. మారుతున్న స్ధితిలో దేశాలు దాటి యువత వెళ్తున్నారు. అటువంటి స్ధితిలో ఎన్నారైల మధ్య ప్రేమకధగా దీన్ని మార్చారని అంటున్నారు. చూద్దాం ఏ మేజిక్ జరగనుందో.త్వరలోనే ఈ చిత్రం అధికార ప్రకటన వెలవడే అవకాశం ఉంది.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X