ఎన్టీఆర్ వదిలేశాడు.. రవితేజ హిట్ కొట్టాడు.. జడ్జిమెంట్ అంటే అదే..

ఆది సినిమాతో ఎన్టీఆర్

గతంలో ఆది సినిమాతో ఎన్టీఆర్ జూనియర్ మంచి జోష్ మీద ఉన్న సమయంలో తన తొలి సినిమా కోసం బోయపాటి శ్రీను తారక్‌ను కలిశాడట. ఆ సినిమా కథ నచ్చకనో.. పరిస్థితులు అనుకూలంగా లేకపోవడం వల్లనో బోయపాటి చెప్పిన కథకు ఎన్టీఆర్ నో చెప్పాడట.

భద్ర చిత్రంతో రవితేజ

డైరెక్షన్ వేటలో పడిన బోయపాటి ఆ తర్వాత అదే కథను మాస్ మహారాజ్ రవితేజకు చెప్పారట. ఆ కథ విన్న తర్వాత ఎక్సైట్ అయిన రవితేజ్ సినిమాకు గ్రీన్ సిగ్నల్ ఇచ్చాడు. బోయపాటి శ్రీను తొలిసారి దర్శకుడిగా మారిన సినిమా పేరు.. అదేనండి భద్ర. భద్ర చిత్రంతో రవితేజ మంచి హిట్‌ను అందుకొన్నారు.

తాజాగా ఎన్టీఆర్‌కు అనిల్ రావిపూడి

తాజాగా ఇలాంటి సంఘటనే తారక్‌తో ఎదురైంది. జూనియర్ ఎన్టీఆర్‌కు ఇటీవల రాజా ది గ్రేట్ కథను దర్శకుడు అనిల్ రావిపూడి చెప్పారట. ఆ కథ ఎన్టీఆర్‌కు నచ్చకపోవడంతో ఆ సినిమా వర్కవుట్ కాలేదట. దాంతో అదే కథకు కొంత మెరుగులు దిద్ది రవితేజకు వినిపించారట. ఆ చిత్ర కథ విని రవితేజ సినిమా చేద్దామని చెప్పడంతో దిల్ రాజు నిర్మాతగా సినిమా ప్రారంభమైంది.

అనిల్ రావిపూడి, రవితేజ

అనిల్ రావిపూడి, రవితేజ కాంబినేషన్‌లో వచ్చిన రాజా ది గ్రేట్‌ చిత్రానికి తొలి ఆట నుంచే పాజిటివ్ టాక్‌ను సొంతం చేసుకొన్నది. కొన్ని రోజులు ఆగితే కలెక్షన్లపరంగా ఏ రేంజ్ హిట్‌ అనేది తెలుస్తుంది. అయితే రవితేజకు హిట్ పడినట్టే అని సినీ వర్గాలు చెప్పుకొంటున్నాయి.

తారక్ వదిలేసిన సినిమాలతో

తారక్ వదిలేసిన సినిమాలతో రవితేజకు మంచి హిట్లు దొరుకుతున్నాయి. భద్రకు సంబంధించి ఆ కథ ఎన్టీఆర్‌కు సరిపోతుందనడంలో ఎలాంటి సందేహం అక్కర్లేదు. కానీ రాజా ది గ్రేట్ కథ మాత్రం అసలు తారక్ సూట్ కాదనేది మెజార్టీ వర్గాల అభిప్రాయం. ఏది ఏమైనా ఆ రెండు కథలు రవితేజకు మంచి సక్సెస్‌లను తెచ్చిపెట్టాయి. అవి రవితేజ జడ్జిమెంట్‌కు అద్దంపట్టాయి.