మహేష్ బాబు ముంబై వెళ్లింది అందుకే, రహస్యంగా అతన్ని కలిశాడట!

ఎవరీ హకీమ్ ఆలిమ్

హకీమ్ ఆలిమ్ అనే వ్యక్తి బాలీవుడ్ పాపులర్ హెయిర్ స్టైలిస్ట్. ముంబై, హైదరాబాద్‌తో పాటు దేశ వ్యాప్తంగా హకీమ్ అలీమ్ సెలూన్ చైన్ ఉంది. ఇతడిని కలిసేందుకే మహేష్ బాబు ముంబై వెళ్లారు మన సూపర్ స్టార్.

న్యూ లుక్ కోసమే

వంశీ పైడిపల్లి దర్శకత్వంలో చేయబోయే 25వ సినిమాలో మహేష్ బాబు న్యూ లుక్‌తో కనిపించబోతున్నారు. అందుకే ఆయన కొన్ని రోజులుగా జుట్టుతో పాటు గడ్డం పెంచాడు. కొత్త లుక్ గురించి చర్చించేందుకు, లుక్ టెస్టింగ్ కోసం మహేష్ బాబు అక్కడికి వెళ్లారట.

త్వరలో హైదరాబాద్ రానున్న హకీమ్ ఆలిమ్

మహేష్-వంశీ పైడిపల్లి సినిమా ప్రారంభానికి కొన్ని రోజుల ముందు హకీమ్ ఆలిమ్ హైదరాబాద్ వచ్చిన మహేష్ బాబును మేకోవర్ చేస్తారని తెలుస్తోంది. ఈ నెలలోనే ఈ సినిమాకు సంబంధించిన షూటింగ్ మొదలు కానుంది.

త్వరలో షూటింగ్ ప్రారంభం

25వ సినిమా కావడంతో మహేష్ బాబు ఈ ప్రాజెక్టును ప్రతిష్టాత్మకంగా తీసుకున్నారు. వ్యవసాయం, రైతులు నేపథ్యంలో సినిమా ఉంటుందని తెలుస్తోంది. మహేష్ బాబు సరసన పూజా హెగ్డే హీరోయిన్‌గా అవకాశం దక్కించుకుదని, అల్లరి నరేష్‌ ముఖ్య పాత్రలో కనిపించనున్నట్లు సమాచారం. ఈ చిత్రానికి దేవిశ్రీ ప్రసాద్ సంగీతం అందించనున్నారు.