Prabhas: డైనోసార్‌ను డార్లింగ్‌గా మార్చేసిన మారుతి.. ఇది కదా ప్రభాస్ ఫ్యాన్స్‌కు అసలైన న్యూఇయర్ ట్రీట్!

రెబల్ స్టార్ ప్రభాస్ ఇటీవల సలార్ సినిమాతో వచ్చి సూపర్ హిట్ ను తన ఖాతాలో వేసుకున్న సంగతి తెలిసిందే. ఇక ఈ సినిమా బాక్సాఫీస్ వద్ద కలెక్షన్ల వర్షం కురిపిస్తుంది. ఇదిలా ఉంటే.. ప్రభాస్ ఫ్యాన్స్ కు న్యూ ఇయర్ ట్రీట్ వచ్చేసింది. ప్రభాస్.. పెద్ద సినిమాలతో పాటు.. మారుతి డైరెక్షన్లో ఓ సినిమా చేస్తున్న సంగతి తెలిసిందే. ఇక ఆ సినిమా ఆఫీషియల్ అనౌన్స్ మెంట్ వచ్చేసింది. దాంతో పాటు... ఓ పోస్టర్ ను కూడా రిలీజ్ చేశారు మేకర్స్. ఆ వివరాలు ఈ స్టోరీలో తెలుసుకుందాం.

బహుబలి తర్వాత ప్రభాస్ కు సరైన హిట్ పడలేదు. ఇక తాజాగా నటించిన సలార్ సినిమాతో మరోసారి పుల్ ఫాంలోకి వచ్చేశాడు ప్రభాస్. ప్రశాంత్ నీల్ తెరకెక్కించిన ఈ సినిమా బాక్సాఫీస్ వద్ద రూ.500 కోట్లకు పైగా వసూళ్లు సాధించి దూసుకుపోతుంది. ఇక ఈ సినిమాలో ప్రభాస్ డైనోసార్ గా కనిపించి.. ఫ్యాన్స్ ఆకలి తీర్చేశాడు. ఇక ఆయన నెక్ట్స్ సినిమాలపై ఫోకస్ పెట్టినట్లు తెలుస్తోంది.

ఇక ప్రభాస్... డైరెక్టర్ మారుతితో ఓ సినిమా చేస్తున్న సంగతి తెలిసిందే. ఈ చిత్రాన్ని అధికారికంగా ప్రకటించనప్పటికీ... షూటింగ్ మాత్రం ఎప్పటి నుంచో జరుపుకుంటుంది. ఇప్పటికే పలు షెడ్యూల్స్ పూర్తి చేసుకుంది ఈ మూవీ. ఈ సినిమా వర్కింగ్ టైటిల్ రాజా డిలాక్స్. ఇక ఈ టైటిల్ నే ఫిక్స్ చేస్తారా... లేదా అనేది తెలియాల్సి ఉంది. ఇక ఇప్పటికే షూటింగ్ ఫోటోస్ కూడా లీక్ అయిన సంగతి తెలిసిందే.

ప్రభాస్ మారుతి సినిమాను పీపూల్ మీడియా ఫ్యాక్టరీ నిర్మిస్తుంది. తాజాగా ఈ సినిమా నుంచి అదిరిపోయే అప్డేట్ ను అందించింది పీపూల్ మీడియా. మారుతి, ప్రభాస్ మూవీ నుంచి ఒక పోస్టర్ ను రిలీజ్ చేసింది. పీపూల్ మీడియా ఫ్యాక్టరి ట్విట్టర్ హ్యాండిల్ నుంచి... ఓ ఫోటోను పోస్ట్ చేశారు. అందులో పీపుల్ మీడియా ఫ్యాక్టరీ సగర్వంగా డైనోసార్‌ను సంపూర్ణ డార్లింగ్‌గా మార్చిందంటూ రాసుకువచ్చింది. ఇక దానితో పాటు.. ప్రభాస్ ఫోస్టర్ ను షేర్ చేసింది.

ఇక ఫస్ట్ లుక్, అండ్ టైటిల్ అనౌన్స్ మెంట్ ఈ సంక్రాంతికి ఉంటుందని చెప్పుకువచ్చింది. ఇక ఈ పోస్టర్ గమనిస్తే.. ప్రభాస్ ను కలర్ ఫుల్ గా చిత్రీకరించారు. అందులో ప్రభాస్ లుక్ కనబడకపోయినా... ప్రభాస్ రూపంతో ఓ డిజైన్ పోస్టర్ ను పంచుకున్నారు. ఈ పోస్టర్ చూసిన నెటిజన్స్.. హమ్మాయ్య మా ప్రభాస్ మళ్లీ డార్లింగ్ లుక్ లోకి వచ్చేశారని కామెంట్స్ పెడుతున్నారు. ఇక ఈ సినిమాను పీపూల్ మీడియా ఫ్యాక్టరీ బ్యానర్ పై టీజీ విశ్వప్రసాద్, వివేక్ కూచిబోట్ల నిర్మిస్తున్నారు.

ఇక సంక్రాంతికి అసలైన ట్రీట్ రాబోతుందని తెలుస్తోంది. ఇప్పటికే ఈ మూవీ నుంచి లీక్ అయిన ప్రభాస్ లుక్స్ ఆడియన్స్ ని బాగా ఆకట్టుకున్న సంగతి తెలిసిందే. కాగా ఈ చిత్రానికి 'రాజా డీలక్స్' అనే టైటిల్ ని అనుకుంటున్నట్లు తెలుస్తోంది. మరి మూవీ టీం అదే టైటిల్ ని అనౌన్స్ చేస్తుందా లేదా మరో టైటిల్ ని ప్రకటిస్తుందా అనేది చూడాలి. ఈ సినిమా హారర్ కామెడీ బ్యాక్ డ్రాప్ తో తెరకెక్కుతుంది. ఈ మూవీలో ప్రభాస్ సరసన ఈ సినిమాలో నిధి అగర్వాల్, రిధి కుమార్, మాళవిక మోహనన్ నటిస్తున్నారు.