For Quick Alerts
    ALLOW NOTIFICATIONS  
    For Daily Alerts

    గీతా ఆర్ట్స్ లో ఛాన్స్ కొట్టేసిన రెజీనా

    By Srikanya
    |

    హైదరాబాద్: 'ఎస్‌.ఎమ్‌.ఎస్‌', చిత్రంతో పరిచయమైన రెజీనా మరో కొత్త చిత్రంలో ఎంపికైంది. చిరంజీవి మేనల్లుడు సాయిధర్మతేజ్‌ కథానాయకుడిగా గీతా ఆర్ట్స్‌ సంస్థ ఓ చిత్రాన్ని నిర్మిస్తోంది. ఈ చిత్రంలో హీరోయిన్ గా రెజీనాను ఎంపిక చేశారు. రీసెంట్ గా 'రొటీన్‌ లవ్‌స్టోరీ' చిత్రాల్లో నటించిందీ భామ. అలాగే హరీష్ శంకర్ ,ఎన్టీఆర్ కాంబినేషన్ లో రూపొందుతున్న చిత్రంలోనూ ఆమెను ఎంపిక చేసారని సమాచారం.

    ఈ చిత్రం గురించి నిర్మాతలు బన్నీ వాసు, హర్షిత్‌ మాట్లాడుతూ... ''వైవిధ్యమైన ప్రేమ కథా చిత్రమిది. రెజీనా పాత్ర చుట్టూనే కథ తిరుగుతుంది. వినోదానికి పెద్దపీట వేస్తూ తెరకెక్కిస్తున్నాం. సగం చిత్రీకరణ పూర్తయింది. మేలో సినిమాను విడుదల చేయడానికి సన్నాహాలు చేస్తున్నాము'' అన్నారు.

    ఈ యూత్‌ఫుల్ ఎంటర్‌టైనర్ చిత్రంలో హీరోయిన్ గా అనేకమందిని పరిశీలించాక చివరికి అదృష్టం రెజీనాను వరించింది. కథలో ముఖ్యపాత్రగా నిలిచే హీరోయిన్ గా, అన్ని రసాల కలబోతగా రూపొందిస్తున్న ఈ పాత్రకు న్యాయం ఎవరు చేయగలరా అని తరచి తరచి చూసి చివరికి నిర్మాత అల్లు అరవింద్ రెజీనాను ఎంపిక చేశారని తెలుస్తోంది.

    పలుభారీ హిట్ చిత్రాలను నిర్మించిన గీతా ఆర్ట్స్‌లో అవకాశం అంటే చిన్న విషయం కాదు. పైగా ఈ చిత్రంలో రెజీనాది కేవలం పాటలకు మాత్రమే పరిమితమయ్యే పాత్ర కాదు. కథలో ఆమె పాత్ర కీలకంగా ఉంటుంది. రొమాంటిక్, ఎమోషన్ ఇలా పలు రసాలు కనబర్చే వీలున్న పాత్ర కావడంతో రెజీనా ఆనందపడుతున్నారు.

    ఇక ఈ గీతా ఆర్ట్స్ చిత్రానికి ఎ.యస్‌.రవికుమార్‌ చౌదరి దర్శకుడు. బన్నీ వాసు, హర్షిత్‌ నిర్మాతలు. అల్లు అరవింద్‌ చిత్ర సమర్పకులుగా వ్యవహరిస్తున్నారు. శ్రీహరి కీలక పాత్రధారి. బన్నీ వాసు, హర్షిత్‌ నిర్మాతలు. ఛాయాగ్రహణం: దాశరథి శివేంద్ర, సంగీతం: అనూప్‌ రూబెన్స్‌.

    English summary
    Regina Cassandra has bagged the female lead role opposite Sai Dharam Tej (Chiranjeevi's nephew) in his upcoming film to be directed AS Ravi Kumar Chowdary. The untitled film, which has already commenced the first schedule of shooting, is produced by Geetha Arts and presented by Dil Raju.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X