హోమ్

న్యూస్

ప్రేమిస్తే, షాపింగ్‌ మాల్‌, నాన్న వంటి డబ్బింగ్ చిత్రాల ద్వారా నిర్మాతగా ఎదుగుతున్న సురేష్ కొండేటి తాజాగా మరో తమిళ చిత్రం రైట్స్ కొన్నారు. 'రేణిగుంట' టైటిల్ తో తమిళంలో వచ్చిన ఈ చిత్రాన్ని అదే టైటిల్ తో డబ్బింగ్ చేస్తున్నారు. ఆ చిత్రం కథ ఇలాసాగుతుంది. 'తల్లిదండ్రులతో ఆనందంగా జీవించే ఓ యువకుడి జీవితంలో అనుకోని ఓ సంఘటన చోటు చేసుకుంటుంది. ఆ సంఘటన అతని జీవితాన్ని మార్చేస్తుంది. ఆయువకుడి తల్లిదండ్రులు హత్యకు గురవుతారు. ఆ షాక్‌ నుంచి తేరుకునే లోపు ఆ యువకుడిపై నింద వేసి జైలుపాలు చేస్తారు దుండగులు.

జైలులో నలుగురు క్రిమినల్స్‌తో ఈ యువకుడికి స్నేహం కుదురుతుంది. తన తల్లిదండ్రులను చంపిన వారిపైపగ తీర్చుకోవడానికి ఆ యువకుడికి ఈ నలుగురు క్రిమినల్స్‌ సహాయం చేస్తారు. ఈ క్రమంలో గ్యాంగ్‌స్టర్లుగా మారడానికి ప్రయత్నాలు మొదలుపెడతారు. ఆనంతరం జరిగిన పరిణామాలేంటి? యువకుడి తల్లిదండ్రులను చంపిందెవరు? అతన్ని జైలుపాలు చేసిందెవరు? అనే అంశాలతో ఈచిత్రం ఆసక్తికరంగా సాగుతుంది. లవ్ యాక్షన్‌ ఎంటర్టైనర్ గా రూపొందిన ఈ చిత్రానికి సంగీతం: గణేష్‌ రాఘవేంద్ర, కెమెరా: శక్తి, ఎడిటింగ్‌: ఆంథోని. జానీ, సనూష, నిశాంత్‌ కాంబినేషన్‌లో పన్నీర్‌ సెల్వం దర్శకత్వంలో ఈచిత్రం రూపొందింది.