చెత్త వెధవలు.. నా తమ్ముడిని భర్తగా చిత్రీకరిస్తున్నారు: రేణు దేశాయ్ ఫైర్

ఆ వెధవలు చెత్తగా ప్రవర్తిస్తున్నారు

‘‘కొందరు నేను, నా తమ్ముడు కలిసి ఉన్న ఫోటోస్ సోషల్ మీడియాలో వైరల్ చేస్తున్నారు. నా తమ్ముడి పెళ్లి సమయంలో దిగిన ఫోటో అది. కొందరు వెధవలు చెత్తవాగుడు వాగుతున్నారు. అతడు నా సొంత తమ్మడు. కానీ నా కాబోయే హస్బెండ్ అని కామెంట్ చేస్తున్నారు. అవి చూసి చాలా ఇరిటేట్ అయ్యాను.'' అని రేణు దేశాయ్ తెలిపారు.

పొలిటికల్ ఓపీనియన్ చెప్పను

ఏపీ ఎన్నికలపై స్పందించాలని ఓ నెటిజన్ కోరగా... ‘‘ స్పందించను. పబ్లిగ్గా నా పొలిటికల్ ఒపీనియన్స్ ఇవ్వను. ఈ విషయాలు నా పర్సనల్ సర్కిల్ వద్ద మాత్రమే మాట్లాడతాను. ఇపుడు వాటి గురించి ఏదైనా మాట్లాడితే అది మరోలా తీసుకుని పెద్ద రచ్చ చేస్తారు. నాకంటూ ఒక ఒపీనియన్ ఉంటుంది. కానీ అది ప్రజలతో పంచుకోవాల్సిన సమయం ఇది కాదు' అన్నారు.

అవెంజర్స్ సిరీస్ సినిమాలంటే ఇష్టం

నేను అవెంజర్స్ సినిమాలకు పిచ్చి అభిమానిని. మార్వెల్ సినిమాలంటే చాలా ఇష్టం. ఈ సినిమాలు ఫస్ట్ డే ఫస్ట్ షో చూడాలనుకుంటాను. కానీ బాంబేలో ఓ ఫంక్షన్ వెళ్లడం వల్ల చూడలేక పోయాను. అందుకే సండే ప్లాన్ చేసుకున్నామని తెలిపారు. ఇప్పటి వరకు వచ్చిన అన్ని అవెంజర్స్ సినిమాలు చూశాన అన్నారు.

అలీ ఇంటర్వ్యూను రాజకీయం చేయవద్దు

‘‘అలీ షో తర్వాత కొందరు చెత్త మెసేజెస్ పంపించారు. నేను కావాలనే ఎన్నికల కోసం ఇదంతా చేస్తున్నానంటూ నాపై కామెంట్లతో ఎటాక్ చేస్తున్నారు. కానీ నాకు అలాంటి ఉద్దేశ్యం లేదు. అది చాలా రోజుల క్రితమే షూట్ చేశారు. అలీగారికి, కళ్యాణ్ గారికి మధ్య మాటల యుద్ధం జరుగడానికి ముందే ఆ ఇంటర్వ్యూ షూట్ చేయడం జరిగింది.'' అని రేణు దేశాయ్ స్పష్టం చేశారు.

ఆద్య, అకీరా

‘‘ఆద్య, అకీరా చాలా బావున్నారు. స్విమ్మింగ్ వెళుతున్నారు. సమ్మర్ హాలిడేస్ ఎంజాయ్ చేస్తున్నారు. వారి గురించి ఎవరూ బెంగ పెట్టుకోవాల్సిన అవసరం లేదు.'' అన్నారు. ఇటీవల అలీ ఇంటర్వ్యూలో రేణు దేశాయ్ తన పిల్లల గురించి మాట్లాడుతూ... అకీరా, ఆధ్య లేకుంటే నేను బ్రతకలేను. వారే నా ప్రపంచమని తెలిపారు.