80ల నాటి స్టార్ హీరోలు,హీరోయిన్స్ మీట్..లుంగీ డాన్స్ ( ఫొటోలు)

By Srikanya

Published: Monday, August 31, 2015, 11:46 [IST]

చెన్నై :1980వ దశకంలోని సినీతారలంతా కలుసుకొని ఆనాటి జ్ఞాపకాల్ని గుర్తుచేసుకున్నారు.. చిందులేసి సంబరాలు చేసుకున్నారు. ఈ అపురూప ఘట్టానికి చెన్నై వేదికైంది. అక్కడి ఆలీవ్‌ బీచ్‌లోని ఓ అతిథి గృహంలో 80 దశకంలో వెండితెరపై ఓ వెలుగు వెలిగిన నటీనటులంతా ఆత్మీయంగా కలుసుకున్నారు. ఈ సంబరాల్లో తెలుగు తారలు చిరంజీవి, వెంకటేష్‌, నరేష్‌, సుమన్‌ తదితరులు పాల్గొన్నారు.

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

ఈ సందర్భంగా ఆ గృహాన్ని ఎర్రటి కార్పెట్లు, గులాబీలు, ఎర్రటి ఫ్రెండ్‌షిప్‌ బ్యాండ్లతో సుందరంగా అలంకరించారు. ఈ అపూర్వ కలయికలో పాల్గొన్న నటీనటులూ ఎర్రరంగు దుస్తులు ధరించి కనువిందు చేశారు. నటీమణులు సుహాసిని, ఖుష్బూ తదితరులు ఈ ఏర్పాట్లను దగ్గరుండి పర్యవేక్షించారు. అతిథులను ఆహ్వానించారు.

వరుసగా ఆరో సంవత్సరం నిర్వహించిన ఈ కార్యక్రమానికి కొత్త అతిథులుగా బాలీవుడ్‌ తారలు జాకీ ష్రాఫ్‌, పూనం దిల్లాన్‌, స్వప్న హాజరయ్యారు. గత సమావేశానికి సంబంధించిన వీడియోలను తిలకించారు. 80ల్లో విజయవంతమైన హిందీ, తమిళ, మలయాళ గీతాలను మోహన్‌లాల్‌, సుహాసిని ఆలపించగా పూర్ణిమ, సుహాసిని, మేనక తదితరులు అందమైన స్టెప్పులతో అలరించారు.

కార్యక్రమంలో తారలు చేసిన లుంగీ డాన్స్‌ ప్రత్యేక ఆకర్షణగా నిలిచింది. వాటిలో 12 లుంగీలను జాకీ ష్రాఫ్‌ తీపిగుర్తుగా ముంబయి తీసుకెళ్లారు. ఈ సంబరాల్లో భానుచందర్‌, సుమలత, సరిత, రాధ, రాధిక, రమ్యకృష్ణ, జయసుధ తదితరులు ఉన్నారు.

ఆ ఫొటోలను ఇక్కడ చూడండి...