For Quick Alerts
ALLOW NOTIFICATIONS  
For Daily Alerts

కమ్మ రాజ్యంలో కడప రెడ్లు... బెజవాడలో కులాల కుంపటి రాజేస్తున్న ఆర్జీవీ!

|

వివాదాస్పద దర్శకుడు రాంగోపాల్ వర్మ త్వరలో 'కమ్మ రాజ్యంలో కడప రెడ్లు' అనే సినిమా తీయబోతున్నట్లు ప్రకటించిన సంగతి తెలిసిందే. వైఎస్ జగన్మోహన్ రెడ్డి ఏపీ సీఎంగా అధికారంలోకి వచ్చిన వెంటనే వర్మ ఈ సినిమా ప్రకటించడం చర్చనీయాంశం అయింది. ఈ సినిమా ద్వారా వర్మ మళ్లీ కులాల కుంపట్లు రగుల్చుతున్నారని, కమ్యూనిటీల మధ్య చిచ్చు పెట్టే ప్రయత్నం చేస్తున్నారనే విమర్శలు తెరపైకి వచ్చాయి. ఈ నేపథ్యంలో తాజాగా ఓ టీవీ ఛానల్‌కు ఇంటర్వ్యూ ఇచ్చిన ఆర్జీవీ క్లారిటీ ఇచ్చారు. దీంతో పాటు లక్ష్మీస్ ఎన్టీఆర్ సినిమా గురించిన విషయాలు కూడా తెలిపారు.

‘లక్ష్మీస్ ఎన్టీఆర్' మూవీకి అక్కడి నుంచి ఒక్క రూపాయి కూడా రాలేదు

‘లక్ష్మీస్ ఎన్టీఆర్' మూవీకి వైసీపీ నుంచి ఒక్క రూపాయి కూడా రాలేదని వర్మ స్పష్టం చేశారు. మధ్యలో ఒకసారి హైదరాబాద్‌లో పార్క్ హయత్ హోటల్‌లో వైసీపీ నాయకుడు అనిల్ కుమార్ రెడ్డి నాతో మాట్లాడిన మాట నిజమే...కానీ ‘లక్ష్మీస్ ఎన్టీఆర్' చిత్రానికి ఎలాంటి సంబంధం లేదు. ఆయన మాట్లాడింది ‘జీసెస్ క్రైస్ట్' గురించి అని వర్మ స్పష్టం చేశారు.

‘కమ్మ రాజ్యంలో కడప రెడ్లు' కులాల కుంపట్లు రగుల్చుతుందా?

‘కమ్మ రాజ్యంలో కడప రెడ్లు' అనే టైటిల్ కులాల కుంపట్లు రగిల్చే విధంగా ఉందనే వాదనను వర్మ తోసిపుచ్చారు. టీవీ ఛానల్స్ వారు ప్రతి రోజూ ‘కులం గురించి అడిగే వాడు అడ్డగాడిద' అని కొన్నేళ్లుగా వేస్తున్నారు. ఎవరైనా దాని గురించి పట్టించుకున్నారా? పట్టించుకోరు. అలాగే సినిమాలో చూపించేవి కూడా ప్రజలు పట్టించుకోరని వర్మ తెలిపారు. గొడవలు అనేవి కులాల మధ్య ఉండవు, కొన్ని గ్రూఫుల మధ్య ఉంటుందని తెలిపారు.

అందుకే అలాంటి టైటిల్ పెట్టాను

నేను విజయవాడలో చదువుకున్న రోజుల నుంచి అక్కడ ఎక్కువగా కమ్మ వారు మాత్రమే కనిపించేవారు. ఇపుడు రాయల సీమకు చెందిన చాలా మంది రెడ్లు అక్కడ కనిపిస్తుండటంతో విచిత్రంగా అనిపించింది. ఆ సంఘటనలనుంచి స్పూర్తి పొంది ఈ టైటిల్ పెట్టినట్లు వర్మ స్పష్టం చేశారు.

సినిమాలో ఏం చూపిస్తారు?

‘కమ్మ రాజ్యంలో కడప రెడ్లు' సినిమాలో ఏం చూపించబోతున్నారు? అనేది తాను ఇప్పుడే చెబితే మూవీపై జనాలకు ఇంట్రస్ట్ పోతుందని, సినిమా మొదలు పెట్టే క్రమంలో ఒక్కొక్క క్లూ ఇస్తానని ఈ సందర్భంగా రామ్ గోపాల్ వర్మ స్పష్టం చేశారు. ఇందులో అందరూ రాజకీయ నాయకులను చూపిస్తానని తెలిపారు.

English summary
RGV about his upcoming film 'Kamma Rajyam Lo Kadapa Reddlu'. "This is not a community controversial film" RGV said.
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more