అటొచ్చి ఇటొచ్చి మహేష్ బాబుపై పడిన వర్మ.. సంచలన కామెంట్స్

మహర్షి మూవీ

వంశీ పైడిపెల్లి దర్శకత్వంలో మహేష్ బాబు 25 వ సినిమాగా మహర్షి ఇటీవలే ప్రేక్షకుల ముందుకొచ్చింది. చిత్రంలో మహేష్ నటనతో పాటు, రైతు నేపథ్యంలో తెరకెక్కిన కొన్ని సన్నివేశాలు బాగా హైలైట్ అయ్యాయి. పలువురు పొలిటిషన్స్ సైతం ఈ సినిమాపై, ఇందులో చూపించిన సామాజిక అంశాలపై స్పందించారు.

వర్మ వంతుగా

మహర్షి పై పొలిటిషన్స్ స్పందన చూసిన రామ్ గోపాల్ వర్మ.. మహర్షి విషయంలో తన వాయిస్ ని కూడా వినిపించారు. 'మహర్షి' చిత్రంపై తనదైన శైలిలో కామెంట్స్ సూపర్ స్టార్ మహేష్ బాబును సున్నితంగా విమర్శించారు వర్మ. ఈ సినిమాపై ఆయన చేసిన కామెంట్స్ ప్రస్తుతం సినీ వర్గాల్లో సంచలనంగా మారాయి.

నాకైతే పెద్దగా ఇష్టం ఉండదు

తనకు గ్రామాలన్నా, పంట పొలాల నేపథ్యంలో సినిమాలన్నా కూడా పెద్దగా ఇష్టం ఉండదని వర్మ పేర్కొన్నారు. అందుకే తాను రైతు నేపథ్యం, వ్యవసాయ నేపథ్యం ఉన్న కథలను ఎంపిక చేసుకోనని అన్నారు. ప్రజలకు కూడా అలాంటి నేపథ్యం ఉన్న సినిమాలంటే పెద్దగా పట్టింపు ఉండదు. ఎక్కువ శాతం ప్రేక్షకులు కమర్షియల్ సినిమాలనే కావాలనుకుంటారు అని వర్మ ఆశ్చర్యపరిచే మాటలు మాట్లాడారు.

సినిమాలో సందేశం బాగుందని

ప్రస్తుతం మహర్షి సినిమా చూస్తున్న వారంతా మహేష్ బాబు పై అభిమానంతో వస్తున్నారు తప్ప సినిమాలో సందేశం బాగుందని ఎవ్వరూ రావడం లేదని వర్మ పేర్కొనడం గమనార్హం. ఒక వేళ మహర్షి చిత్రంలో మహేష్ బాబు లేకుంటే ఎంత మంది ఆ సినిమాను చూస్తారో చెప్పగలరా? అంటూ వర్మ వేసిన ప్రశ్న పెద్ద దుమారమే రేపుతోంది. మహర్షి చిత్రంలో సందేశం ఉన్నా కూడా ఎక్కువ శాతం మంది ఎంటర్‌టైన్‌మెంట్ కోసమే ఈ సినిమాకు వెళ్తున్నారని తనదైన కామెంట్ చేశారు వర్మ.

200 కోట్ల దిశగా

మరోవైపు ఇప్పటికే 3 వారాలు పూర్తి చేసుకున్న మహర్షి సినిమా మంచి వసూళ్లు రాబడుతోంది. ప్రపంచ వ్యాప్తంగా ఇప్పటికే 150 కోట్ల మార్క్ దాటేసిన మహర్షి 200 కోట్ల దిశగా పరుగులు పెడుతోంది. మహేష్ కెరీర్ లో కొత్త ఫీట్స్ సాధిస్తూ ఓ మైలురాయిగా మిలుస్తోంది మహర్షి మూవీ.