గొలుసులతో కట్టేయకపోతే కరుస్తాడేమో?: ఆర్జీవీ సంచలన ట్వీట్

గొలుసేసి కట్టేయకపోతే కరుస్తాడేమో?

కేఏ పాల్ పోలింగ్ బూత్ నుంచి పరుగెత్తుకుంటూ వస్తున్న వీడియోను రామ్ గోపాల్ వర్మ ట్విట్టర్ ద్వారా షేర్ చేశారు. ఈ వీడియో గురించి వర్మ ప్రస్తావిస్తూ.. ‘గొలుసేసి కట్టేయకపోతే కరుస్తాడేమో?' అని వ్యాఖ్యానించారు.

గతంలో ఆర్జీవీ వర్సెస్ కేఏ పాల్

గతంలోనూ రామ్ గోపాల్ వర్మ, కెఏ పాల్ మధ్య వివాదం చోటు చేసుకుంది. వర్మ నా కొళ్లు మొక్కి ఆశీర్వాదం తీసుకున్నాడని కేఏ పాల్ చెప్పగా... తాను అలా ఎప్పుడూ చేయను, అతడి కాళ్లు గట్టిగా పట్టుకొని వెనక్కి లాగుదామని మాత్రమే ప్రయత్నించాను, అతడి తల నేలకేసి కొట్టుకొంటే అప్పుడైనా బుర్ర సెట్ అవుతుందని భావించాను అంటూ ఆర్జీవీ సెటైర్ వేసిన సంగతి తెలిసిందే.

బయోపిక్ తీయడానికే పిలిపించాడట

తన బయోపిక్ తీయాలని కోరడానికే.... రామ్ గోపాల్ వర్మను ఆ మధ్య కెఏ పాల్ పిలింపించినట్లు వార్తలు వచ్చాయి. అయితే వర్మ నిర్మొహమాటంగా మీ బయోపిక్ తీయను అని తేల్చి చెప్పారట. ఆ తర్వాత కెఏ పాల్ కాళ్లు పట్టుకున్న వర్మ అంటూ న్యూస్ స్ప్రెడ్ అయింది.

బాబు, జగన్ మీద మరో ట్వీట్

చంద్రబాబు నాయుడు... జగన్ సమక్షంలో వైసీపీలో చేరాడు అంటూ... సోషల్ మీడియాలో వైరల్ అవుతున్న ఓ మార్ఫింగ్ ఫోటోను ఆర్జీవీ తన ట్విట్టర్లో షేర్ చేయడం గమనార్హం. వర్మ చేసిన ఈ ట్వీట్ మీద టీడీపీ, వైసీసీ వర్గాలు కామెంట్లతో విరుచుకుపడ్డారు.

లక్ష్మీస్ ఎన్టీఆర్

కాగా.... రామ్ గోపాల్ వర్మ తెరకెక్కించిన ‘లక్ష్మీస్ ఎన్టీఆర్' మూవీ చంద్రబాబు నాయుడికి వ్యతిరేకంగా ఉందనే ఆరోపణలో ఆ చిత్రాన్ని ఎన్నికల ముందు ఏపీలో రిలీజ్ కాకుండా చేయడంలో సక్సెస్ అయ్యారు. ఎలాగైనా ఎన్నికల ముందు సినిమాను రిలీజ్ చేద్దామని చాలా ట్రైచేసిన వర్మ అండ్ టీం ప్రయత్నాలు ఫలించలేదు. ఎన్నికలు ముగియడంతో వర్మ కూడా ఈ మూవీ రిలీజ్ విషయాన్ని లైట్ తీసుకున్నట్లు తెలుస్తోంది.