తల్లి మీద ఒట్టేసి.. మారని వర్మ.. పవన్, రవితేజపై షాకింగ్ కామెంట్స్!

ఆడియో వేడుకలో పవన్

మాస్ మహా రాజా రవితేజ నటించిన నేల టిక్కెట్టు ఆడియో వేడుక ఇటీవల హైదరాబాద్ లో ఘనంగా జరిగింది. ఈ వేడుకకు పవన్ కళ్యాణ్ ముఖ్య అతిధిగా హాజరయ్యారు. పవన్ కళ్యాణ్, రవితేజ కలసి ఆడియో వేడుకలో చేసిన హంగామా అంతా ఇంతా కాదు. మాస్ లో విపరీతమైన ఫాలోయింగ్ ఉన్న వీరిద్దరూ ఒకే వేదికపై కనిపించడంతో అభిమానులకు కన్నుల పండుగగా మారింది.

సరదాగా

ఆడియో వేడుక మొత్తం పవన్ కళ్యాణ్ చాలా సరదాగా కనిపించారు. రవితేజతో తనకు ఉన్న చనువు బయట పెట్టారు. వేడుక ఆధ్యంతం వీరిద్దరూ నవ్వుతూ కనిపించడం విశేషం.

మారని వర్మ

అనవసరమైన విషయాలని కెలికి మరి వివాదం కొని తెచ్చుకోవడం వర్మకు వెన్నతో పట్టిన విద్య. నేల టిక్కెట్టు ఆడియో వేడుకలో పవన్, రవితేజ పక్క పక్కెనే కూర్చున్నారు. రవితేజ ధరించిన రగ్గుడ్ జీన్స్ ప్యాంటు ఆసక్తికరంగా కనిపించడంతో పవన్ కళ్యాణ్ రవితేజ ప్యాంటు లోని చిరుగుళ్లను పరిశీలించారు. ఈ విషయం అభిమానులకు కూడా ఆసక్తిగా కనిపించింది.

ఈ యాంగిల్ కూడా

ఈ విషయాన్ని కూడా వర్మ వివాదం చేసే ప్రయత్నం చేసాడు. అజ్ఞాతవాసి పవన్ కళ్యాణ్ లో ఈ యాంగిల్ కూడా ఉందని రవితేజ ముఖంలో టచ్ చేసు చూడు టైపు లో క్లియర్ గా తెలుస్తోంది అంటూ ట్వీట్ చేసాడు.

రెండు రాష్ట్రాల మీద పెడితే

రవితేజ జీన్స్ తొడలపై పవన్ కళ్యాణ్ కనబరిచిన ఆసక్తి రెండు రాష్ట్రాపై పెడితే సస్యశ్యామలమవుతాయని వర్మ సెటైర్ వేయడం సంచలనంగా మారింది.

పట్టించుకోని పవన్ ఫాన్స్

నేల టిక్కెట్టు ఆడియో వేడుకలో జరిగిన సరదా సన్నివేశాన్ని కూడా వర్మ ఇలా తన వ్యాఖ్యలతో పవన్ అభిమానులని రెచ్చగొట్టే ప్రయత్నం చేసాడు. కాని గతంలోలా పవన్ కళ్యాణ్ అభిమానులు వర్మ ట్వీట్స్ కి పెద్దగా ప్రాధాన్యత ఇవ్వడం లేదు. పవన్ కళ్యాణ్ త్వరలో ఏపీలో పర్యటిస్తున్న నేపథ్యంలో వర్మని పట్టించుకునే మూడ్ లో పవన్ కళ్యాణ్ ఫాన్స్ లేరని చెప్పొచ్చు.