నా కారణంగా ‘సిట్’ పక్కదారి పడితే అవమానమే: వర్మ

ఇంతకంటే ఇన్సల్ట్ ఉంటుందా?

‘నేను ఇప్పుడిలా అన్నానని, నా పేరుంటే బయట పెట్టడం మానేస్తారా? మన అధికారులు అంత వెధవలని అనుకుంటున్నారా? వర్మ అనేవాడెవడో బాంబే నుంచి ఓ మాటనేశాడు అంటే, దాని మూలాన అతన్ని పిలవద్దు అనుకుంటే... అంతకన్నా ఇన్ సల్ట్ ఉండదు అని వర్మ కామెంట్ చేశారు.

మీడియా క్యాష్ చేసుకుంటోంది

రవితేజ విచారణకు వచ్చిన సమయంలో మీడియాలో చూపించినంతగా ఆయన డ్రైవర్ వచ్చినప్పుడు చూపించలేదని, అందుకు కారణం ఆయనకున్నఇమేజ్ క్యాష్ చేసుకునేందుకేనని వర్మ ఆరోపించాడు.

వారిని ఎందుకు చూపించడం లేదు?

ఎంతో మందిని విచారిస్తున్నామని చెబుతున్న సిట్ వారెవరినీ ఎందుకు చూపించడం లేదని ప్రశ్నించారు. సిట్ అధికారులు వాస్తవంగా ఏం జరుగుతోందో, ఎవరు ఏమి చెబుతున్నారో అఫీషియల్ గా అధికార ప్రతినిధి ద్వారా బయట పెట్టాలన్నారు.

అలా జరిగితే సిట్‌కు అవమానమే

తాను చేసిన కామెంట్ల కారణంగా సిట్ విచారణ పక్కదారి పడుతోందని భావిస్తే....సిట్ టీంకు ఇంతకంటే అవమానం మరొకటి ఉండదు. నాలాంటి ఒక మామూలు వ్యక్తి వల్ల విచారణ పక్కదారి పట్టడం లాంటిది జరుగదని వర్మ అభిప్రాయ పడ్డారు.