twitter
    For Quick Alerts
    ALLOW NOTIFICATIONS  
    For Daily Alerts

    రామ్ గోపాల్ వర్మ, పూరీ జగన్నాధ్, హరీష్ శంకర్ ల 'పెళ్ళి'

    By Srikanya
    |

    ప్రముఖ దర్శకులు రామ్ గోపాల్ వర్మ మరో ప్రయోగానికి నాందిపలికారు. ముగ్గురు దర్శకులు కలిసి 'పెళ్ళి' టైటిల్ తో ఓ చిత్రాన్ని రూపొందించనున్నారు. వివాహ వ్యవస్థ గురించి విభిన్నరీతిలో రూపుదిద్దుకునే ఈ చిత్రానికి రాంగోపాల్ వర్మ, పూరిజగన్నాథ్, హరీష్‌శంకర్ దర్శకత్వం వహిస్తారు. మూడు వేర్వేరు కథల ప్రభావం మరో కథ మీద ఎలా ఉంటుందన్నదే ఈ చిత్రం ప్రత్యేకత అని చెప్తున్నారు.

    ఈ చిత్రం కథ గురించి వివరిస్తూ...ఒక వ్యక్తి ఓ యువతిని గాఢంగా ప్రేమిస్తాడు. కానీ అతనికి పెళ్లి అనే వ్యవస్థ మీద వివిధ కారణాల వల్ల విభిన్న అభిప్రాయాలు ఏర్పడతాయి. ఆ కారణాలకు కారణం పెళ్లి చేసుకున్న మూడు జంటలు, పెళ్లి వల్ల వాళ్లు ఎదుర్కొన్న మానసిక స్థితులు ఆ వ్యక్తికి తెలియడమే. అలాంటి నేపథ్యంలో అతను తన పెళ్లి గురించి ఎలాంటి నిర్ణయిం తీసుకున్నడన్నదే మిగతా కథ అంటున్నారు.

    ఈ మూడు జంటలకు సంబంధించిన మూడు కథల్ని రాంగోపాల్ వర్మ, పూరిజగన్నాథ్, హరీష్‌శంకర్ తమ శైలిలో రచించి తెరపై ప్రజెంట్ చేయడం ఈ సినిమా ప్రత్యేకత. ఈ మూడు జంటలు సినిమాలో ఒకరికొకరు ఎదురుపడరు. వారి మధ్య పరిచయమే ఉండదు. అయితే నాలుగో కథలోని వ్యక్తి మాత్రం ఈ మూడు కథల్లో కామన్ కేరెక్టర్.

    తెలుగు తెరపై మరో సరికొత్త ప్రయోగంగా రూపుదిద్దుకుంటున్న ఈ చిత్రం పబ్లిసిటి విషయంలో కూడా కొత్త పంథాని అనుసరించనున్నారు. పోస్టర్లమీద, టి.వి. ప్రోమోస్‌లో కానీ, ట్రైలర్స్‌లో కానీ నటీనటుల ఫొటోలు కనిపించవు. పెళ్లికి సంబంధించిన సింబల్స్ మాత్రమే ఉంటాయి. వివాహ వ్యవస్థకు సంబంధించిన డైలాగులు వినిపిస్తాయంతే అంటున్నారు. ఈ చిత్రంలో నటీనటులు ఎవరనేది బయటకు తెలియనీయరు. తెర మీదే చూడాలి అంటున్నారు వర్మ.

    English summary
    Ram Gopal Varma has announced another movie - Pelli. Along with him, two other directors - Puri Jagannadh and Harish Shankar - will direct this movie. In a press statement, he said: 'This movie is about four stories. Each of us will write and direct three episodes. None of the characters in these three stories have any relation with others but their actions will affect the other character in the fourth story.'
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X