రియల్ ఆఫీసర్ నాగార్జున కాదు.. కర్ణాటక ఐపీఎస్ ఆఫీసర్, ఆర్జీవీ కొత్త ట్విస్ట్!

ఫ్రెంచ్ చిత్రం ఆధారంగా

ఆఫీసర్ చిత్రం ఫ్రెంచ్ లో మంచి విజయం సాధించిన టేకెన్ చిత్రం ఆధారంగా తెరకెక్కుతోందంటూ సోషల్ మీడియాలో ప్రచారం జరుగుతోంది. మాఫియా చేతుల్లో చిక్కుకుపోయిన తన కుమార్తెని హీరో ఆ చిత్రంలో రక్షించుకుంటాడు.

ఊహాగానాలకు తెరదించేలా

ఊహాగానాలకు తెరదించేలా ఈ చిత్రం కథ గురించి వర్మ ట్విట్టర్ లో స్పందించాడు. ఆఫీసర్ చిత్ర కథ కర్ణాటకకు చెందిన ఓ ఐపీఎస్ ఆఫీసర్ కథ అని వివరించాడు. 2010 లోనే అతడి గురించి తెలుసుకున్న తాను ఈ చిత్రాన్ని తెరకెక్కించినట్లు వివరించాడు.

అసలు ఆఫీసర్ అతడే

కర్ణాటకకు చెందిన ఐపీఎస్ అధికారి కెఎమ్ ప్రసన్న చరిత్ర ఆధారంగా ఈ చిత్రాన్ని రూపొందించినట్లు తెలిపారు. కెఎమ్ ప్రసన్న సిట్ కు చీఫ్ గా పనిచేశారని, ప్రస్తుతం ముంబై క్రైమ్ బ్రాంచ్ లో ఆయన అడిషనల్ కమిషనర్ గా పనిచేస్తున్నారని వర్మ తెలిపారు.

పాతికేళ్ల తరువాత

వర్మ, నాగార్జున కాంబినేషన్లో గతంలో శివ వంటి ట్రెండ్ సెట్టింగ్ మూవీ వచ్చింది. పాతికేళ్ల తరువాత నాగార్జునతో వర్మ ఆఫీసర్ చిత్రాన్ని రూపొందించారు.

విడుదల వాయిదా

ఆఫీసర్ చిత్రం ఈ నెల 25 న ప్రేక్షకుల ముందుకు రావలసి ఉంది. కానీ అనూహ్యంగా ఈ చిత్రం వాయిదా పడింది. బాంబే కోర్టులో కేసు వలన ఈ చిత్రం కొద్దీ గా ఆలస్యంగా జూన్ 1 న ప్రేక్షకుల ముందుకు రాబోతోంది.