మంగళంపల్లి మరణం.....విషాదంలోనూ వర్మ వికృత కామెంట్స్

ఎవరైనా చనిపోతే సానుభూతి తెలుపుతారు, సంతాపం ప్రకటిస్తారు.... కానీ రామ్ గోపాల్ వర్మ దీన్ని కూడా తనకు పబ్లిసిటీకి వాడుకున్నాడు.

By Bojja Kumar

Published: Wednesday, November 23, 2016, 18:04 [IST]

హైదరాబాద్: ప్రముఖ సంగీత విధ్వాంసుడు, గాయకుడు మంగళంపల్లి బాలమురళీకృష్ణ మరణంతో సంగీత ప్రపంచం శోక సముద్రంలో మునిగిపోయిన సంగతి తెలిసిందే. అయితే మంగళంపల్లి మరణంపై వివాదాస్పద దర్శకుడు రామ్ గోపాల్ వర్మ స్పందించిన తీరు విమర్శలకు దారి తీసింది.

అయినా వర్మ లాంటి వ్యక్తులు వివాదాస్పదంగా కామెంట్ చేయకపోతే ఆశ్చర్యపడాలి కానీ, ఇలా స్పందిస్తే ఆశ్యర్యపడాల్సిన పని లేదు అంటున్నారు రామ్ గోపాల్ వర్మ వంకర చేష్టల గురించి బాగా తెలిసిన వారు.

ఎవరైనా చనిపోతే సానుభూతి తెలుపుతారు, సంతాపం ప్రకటిస్తారు.... కానీ రామ్ గోపాల్ వర్మ దీన్ని కూడా తనకు పబ్లిసిటీకి వాడుకున్నాడు.

మంగళంపల్లి ఇష్టం అంటూనే

‘‘నేను చిన్నప్పట్నుంచి బాచ్, బీతోవెన్, మోజర్ట్ సంగీతం వింటూ పెరిగాను. కర్ణాటక సంగీతం అంటే నాకు అస్సలు గిట్టదు. కానీ, నాకు మంగళంపల్లి బాలమురళీకృష్ణ అంటే ఇష్టం. ఎందుకంటే.. ఆయనెప్పుడూ దానికి ఏం చేయనందుకు నాకు ఇష్టం. రిప్'' అంటూ ట్వీట్ చేశాడు.

విమర్శలు

ఈ ట్వీట్ చూసిన... కర్నాటక సంగీత అభిమానుల, మంగళంపల్లి అభిమానులు ఎదురుదాడి ప్రారంభించారు. వర్మపై తమదైన శైలిలో విమర్శలతో విరుచుకుపడుతున్నారు. అయినా వర్మకు ఇలాంటి దాడులు ఏమైనా కొత్తా? ఇవన్నీ ఆయన అలవాటేగా....!