ప్రభాస్ నా క్యాస్ట్: ‘సాహో’ రిలీజ్ వేళ కులం కుంపటి రగిల్చి సంచలనం!

ప్రభాస్ నా క్యాస్ట్

నాకు చాలా క్యాస్ట్ ఫీలింగ్ ఉంది, అందుకే రెబల్ స్టార్ ప్రభాస్ నటించిన ‘సాహో' సినిమా కోసం కళ్లు వాచిపోయేలా ఎదురు చూస్తున్నాను. ఎందుకంటే ప్రభాస్ నా క్యాస్ట్ కాబట్టి.... అంటూ రామ్ గోపాల్ వర్మ ట్విట్టర్లో ఓ పోస్ట్ పెట్టారు. వర్మ చేసిన ఈ కామెంట్ సోషల్ మీడియాలో వైరల్ అవుతోంది.

కమ్మ రాజ్యంలో కడప రెడ్లు... క్యాస్ట్ ఫీలింగ్ ప్రోమో

‘కమ్మ రాజ్యంలో కడప రెడ్లు' అనే సినిమాకు సంబంధించి రామ్ గోపాల్ వర్మ ఓ సాంగ్ విడుదల చేయబోతున్నారు. క్యాస్ట్ ఫీలింగ్ నేపథ్యంలో ఈ పాట ఉంటుందట. ‘కమ్మ రాజ్యంలో కడప రెడ్లు సినిమాలోని ఒక పాటని 27వ తారీఖు ఉదయం గం. 9.27 నిమిలకు బ్రహ్మ ముహూర్తంలో విడుదల చేయబోతున్నాం.' అని వర్మ ప్రకటించారు.

వర్మకు ఓ అభిమాని సూపర్ రిప్లై

ప్రభాస్ నా క్యాస్ట్ అంటూ వర్మ ప్రకటించడంపై ఓ అభిమాని ఆనందం వ్యక్తం చేస్తూ రిప్లై ఇచ్చారు. అతడు ఇచ్చిన రిప్లై.... ఆర్జీవీ తన ట్విట్టర్ ద్వారా షేర్ చేశారు. అందులో రామ్ గోపాల్ వర్మ, ప్రభాస్, కృష్ణం రాజు, రవితేజ, సుధీర్ వర్మ, సునీల్, అజయ్ భూపతి లాంటి వారికి జై కొడుతూ కామెంట్స్ ఉండటం గమనార్హం.

‘సాహో'పై ఎలాంటి ప్రభావం

వర్మ చేసిన ఈ క్యాస్ట్ కామెంట్.... ‘సాహో' మూవీపై ఎలాంటి ప్రభావం చూపబోతోంది? అదినే హాట్ టాపిక్ అయింది. సాహో మూవీ విషయానికొస్తే.... ఈ చిత్రాన్ని రూ. 350 కోట్ల బడ్జెట్‌తో యూవి క్రియేషన్స్ వారు రూపొందించారు. ప్రభాస్, శ్రద్ధా కపూర్, జాకీ ష్రాఫ్, నీల్ నితిన్ ముఖేష్, అరుణ్ విజయ్, చుంకీ పాండే, ఎవలీన్ శర్మ, మందిరా బేడీ తదితరులు ముఖ్య పాత్రలు పోషిస్తున్న ఈ ఇండియన్ బిగ్గెస్ట్ యాక్షన్ స్పై థ్రిల్లర్ ఆగస్టు 30న ప్రేక్షకుల ముందుకు రాబోతోంది.