మీదీ ఒక దేశమేనా? నీకు 3 పెళ్లిళ్లు జరిగేవా?..గట్టిగా ఇచ్చుకున్న రామ్ గోపాల్ వర్మ

నీకు 3 పెళ్లిళ్లు జరిగేవా?

డియర్ ప్రైమినిస్టర్ ఇమ్రాన్ ఖాన్... మాటలతో సమస్యలు పరిష్కారం అయితే నీకు 3 పెళ్లిళ్లు చేసుకునే అవసరం వచ్చేది కాదేమో.. అంటూ వర్మ ట్వీట్ చేశారు.

అలాంటి వ్యక్తితో ఎలా చర్చలు జరుపాలో తెలియదు, మీరే నేర్పాలి

డియర్ ప్రైమినిస్టర్ ఇమ్రాన్ ఖాన్... టన్నుల కొద్దీ ఆర్డీఎక్స్‌తో వస్తున్న వ్యక్తితో ఎలా చర్చలు జరుపాలో మాకు తెలియదు. ఇలాంటి విషయాలు మీరే మాకు నేర్పించాలి. ఫ్రీగా అవసరం లేదు సార్, ఇండియన్స్ అంతా కలిసి నీకు ట్యూషన్ ఫీ చెల్లించుకుంటాం.

అమెరికా వాడు వచ్చేదాకా తెలియదు, మీదీ ఒక దేశమేనా?

అమెరికా వాడు నీ దేశంలోకి వచ్చి అక్కడ ఎవరు(ఒసామా) ఉంటున్నారో తెలుసుకున్నాడు. కానీ మీ దేశంలో ఎవరు ఉన్నారో మీకు తెలియదు. మీదీ నిజంగా ఒక దేశమేనా? మాకు తెలియక అడుగుతున్నాం. కాస్త మమ్మల్ని ఎడ్యుకేట్ చేయండి ఇమ్రాన్ సర్.

నువ్వు ఖండించగా నేను వినలేదు

జేషే ఇ మహ్మద్, లష్కరే తోయిబా, తాలిబన్, ఆల్‌ఖైదా మీ ప్లే స్టేషన్ కాదని ఎవరూ చెప్పలేదు. కానీ ఆ విషయాన్ని మీరు ఖండించగా నేనెప్పుడూ వినలేదు ఇమ్రాన్ సర్.

క్రికెట్ బాల్స్ బాంబులా?

జేషే మహ్మద్, లష్కరే తోయిబా, తాలిబన్, ఆల్ ఖైదా మీ చేతుల్లోని బంతులు. వాటిని మీ బ్యాటింగుతో పాకిస్థాన్ బౌండరీ దాటించి ఇండియన్ పెవిలియన్‌ వైపుకు పంపుతారని విన్నాను. సార్ దయచేసి చెప్పండి... క్రికెట్ బాల్స్‌ను బాంబులుగా భావిస్తున్నారా? అంటూ రామ్ గోపాల్ వర్మ తనదైన శైలిలో పాకిస్థాన్ ప్రధానిపై విరుచుకుపడ్డారు.