'నాకేం తక్కువ?' అంటున్న రిచా గంగోపాధ్యాయ

అన్నీ వున్నా అల్లుడి నోట్లో శని వున్నట్టు... కథానాయిక రిచాగంగోపాధ్యాయకు కూడా అందం, అభినయం అన్నీ వున్నాయి కానీ, అవకాశాలే లేవు. తనూ అదే ఫీలవుతోందిప్పుడు. 'ఇప్పుడున్న ఇతర హీరోయిన్లతో కంపేర్ చేసుకుంటే ఏ విషయంలోనూ వాళ్లకి నేను తక్కువ కాను. కానీ, అవకాశాలు మాత్రం రావడం లేదు. బహుశా... నాకింకా ఇక్కడ టైం రాలేదేమో' అంటోంది రిచా.

'ఒక సినిమా హిట్ అయితే, ఆ క్రెడిట్ అంతా హీరోకీ, దర్శకుడికీ... అలా అలా పంచేసుకుంటారు. హీరోయిన్ కి ఏమాత్రం క్రెడిట్ వుండదు. అదే ఫ్లాప్ అయిందనుకోండి... ఆ తప్పంతా హీరోయిన్ కే అంటగడతారు. వరుసగా రెండు సినిమాలు ఫ్లాప్ అయితే చాలు... ఇక ఐరెన్ లెగ్ బ్రాండ్ వేసేస్తారు' అంటూ వర్రీ అవుతోంది. ప్రస్తుతం తమిళంలో రెండు సినిమాలలో నటిస్తున్న రిచా... తెలుగులో మంచి ఆఫర్లు వస్తాయని ఆశగా వుంది.