బాక్సింగ్ పిల్లతో సాయిధరమ్ తేజ్ రొమాన్స్!

మెగా హీరో సాయిధరమ్ తేజ్ నటించిన తేజ్ ఐ లవ్ యూ చిత్రం విడుదలకు సిద్ధం అవుతోంది. రొమాంటిక్ లవ్ స్టోరీగా రాబోతున్న ఈ చిత్ర చిత్రీకరణ ఇప్పటికే ముగిసింది. ఇటీవల ఆడియో వేడుక కూడా నిర్వహించారు. జులై 6 న చిత్రాన్ని ప్రేక్షకుల ముందుకు తీసుకువచ్చేందుకు సన్నాహకాలు చేస్తున్నారు.

కరుణాకరన్ దర్శకత్వం వహించిన ఈ చిత్రంపై మంచి అంచనాలు నెలకొని ఉన్నాయి. ఈ చిత్రం తరువాత తేజు కొత్త సినిమా చర్చలు మొదలైపోయినట్లు తెలుస్తోంది. త్వరలో తేజు కిషోర్ తిరుమల దర్శకత్వంలో నటించబోతున్నాడు. నేను శైలజ, ఉన్నది ఒక్కటే జిందగీ వంటి రొమాంటిక్ చిత్రాలతో కిషోర్ తిరుమల గుర్తింపు తెచ్చుకున్నారు.

కాగా ఈ చిత్రంలో హీరోయిన్ గా రితిక్ సింగ్ ని ఎంపిక చేసినట్లు వార్తలు వస్తున్నాయి. గురు చిత్రంలో బాక్సింగ్ పిల్లగా రితిక సింగ్ పాపులారిటీ సంపాదించింది. తన నటనతో రితిక అందరిని మంత్రముగ్దుల్ని చేసిన సంగతి తెలిసిందే.