అమ్మోరు తల్లి ...రోజా

By Staff

Published: Wednesday, March 11, 2026, 18:09 [IST]

తన అందచందాలతో చాలా కాలం తెలుగు తెరను ఊపిన హీరోయిన్ రోజా. ఆమె వివాహం తర్వాత సినిమాలకు దూరమయ్యారు. తర్వాత రాజకీయాల్లోకి వచ్చి తెలుగుదేశం పార్టీలోని మహిళా విభాగానికి అధ్యక్షురాలిగా నియమితులయ్యారు. ఆ బిజీలో ఉన్నామె మళ్లీ ఇన్నాళ్ళకి ముఖానికి రంగేసుకుని తన అభిమానులను సంతోష పెట్టడానికి రెడీ అయ్యారు. కాకపోతే అది తెలుగు సినిమా కాదు. 'వక్రకాళి అమ్మన్' అనే తమిళ సినిమాలో ఆమె నటించారు.

అందులో ఆమె ఒక దేవత పాత్రని పోషించారు. ఈ భక్తిరస చిత్రానికి దర్శకుడు జ్ఞానమ్. కథ మొత్తం వక్రకాళి అమ్మన్ అనే గ్రామ దేవత చుట్టూ తిరుగుతుంది. చెన్నై నుంచి 80 కిలో మీటర్ల దూరంలోని తిరువక్కరై గ్రామ దేవత ఆమె. తన భక్తులకి ఆ దేవత ఎలాంటి మహిమలు చూపిస్తుందీ, వాళ్లని ఎలా కాపాడుతూ వుంటుందనేది ఈ చిత్ర కథ. రెగ్యులర్ కథ అయినా రొటీన్ గా ఉండదంటున్నారు. ఈ చిత్రానికి మిస్టర్ ఎక్స్ అనే నూతన సంగీత దర్శకుడు దీనికి సంగీతం సమకూర్చాడు. ఇక దీనిని తెలుగులోకి డబ్బింగ్ చేసే యోచనలో నిర్మాతలు ఉన్నారట. అంటే త్వరలో ఆమె మహిమలు మనమూ చూడబోతున్నామన్నమాట.

More from Filmibeat