Don't Miss!
- Sports లేడీ ఫ్యాన్ అందాన్ని చూసి కంట్రోల్ తప్పిన గిల్ Video
- Technology షియోమీ ప్రత్యేక ఈవెంట్.. బడ్స్ 5A, ప్యాడ్ SE సహా కీలక ఉత్పత్తుల విడుదల.. పూర్తి వివరాలు..!
- Finance Cerlec News: మీరూ మీ పిల్లలకు సెరెలాక్ ఆహారంగా ఇస్తున్నారా.? షాకింగ్ వార్త తెలుసుకోండి..
- News మళ్లీ బయటపడ్డ ఈవీఎం మోసం ! ఏ బటన్ నొక్కినా బీజేపీకే ఓటు...?
- Automobiles రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
జబర్దస్త్ రోజా మిస్సింగ్.. వెల్లువెత్తుతున్న అనుమానాలు! అసలేం జరుగుతోంది..?
సినీ కెరీర్లో ఎంత పాపులారిటీ సంపాదించిందో అంతకుమించిన పాపులారిటీ జబర్దస్త్ ప్రోగ్రామ్ ద్వారా సంపాదించింది రోజా. టెలివిజన్ చరిత్రలో ఓ సరికొత్త అధ్యాయానికి తెరలేపిన ఈ షోలో రోజా జబర్దస్త్ నవ్వులే స్పెషల్ అట్రాక్షన్. జడ్జ్ స్థానంలో ఆమె కనిపించిందంటే చాలు స్కిట్స్ వేసే వారిలో అదో క్రేజ్. అలాంటి రోజా ఈ మధ్యకాలంలో జబర్దస్త్ ప్రోగ్రాంలో ఒక్కోసారి కనిపించక పోవడంతో అనుమానాలు రేకెత్తుతున్నాయి.
రోజా లేనిదే పాపులారిటీ లేదు
ఒక దశలో రోజా లేనిదే ఈ జబర్దస్త్ షోకి ఇంత పాపులారిటీ లేదు అని టాక్ నడిచింది. అయితే ఎప్పుడైతే ఆంధ్రప్రదేశ్లో ఎన్నికల హడావిడి మొదలైందో అప్పటి నుంచి రోజాపై అనుమానాలు మొదలయ్యాయి. ఈ ఎన్నికల్లో రోజా గెలిస్తే ఇక జబర్దస్త్ నుంచి ఆమె బయటకు వచ్చేస్తుందని బుల్లితెర ఆడియన్స్ బెంగ పడ్డారు.
ఊహించిన దానికి భిన్నంగా
కానీ రోజా విషయంలో బుల్లితెర ఆడియన్స్ ఊహించిన దానికి భిన్నంగా జరిగింది. ఆంద్రప్రదేశ్ అసెంబ్లీ ఎన్నికల్లో రోజా విజయం సాధించినప్పటికీ జబర్దస్త్ షోలో జడ్జ్ గా చేస్తూనే వస్తోంది. కాకపోతే అప్పుడప్పుడూ కొన్ని ఎపిసోడ్స్లో రోజా కనిపించకపోవడం అభిమానుల్లో కాసింత నిరుత్సాహాన్ని నింపుతోంది. తాజాగా అలాంటి ఓ పరిణామమే జరిగింది.
రోజా మిస్.. పలు అనుమానాలు
కొన్నివారాలుగా జడ్జ్లుగా వస్తున్న రోజా, నాగబాబుల్లో ఈ వారం రోజా మిస్ అయింది. తాజాగా విడుదల చేసిన ప్రోమో వీడియోలో జడ్జ్ స్థానంలో నాగబాబు ఒక్కరే కనిపించడంతో షాక్ అవుతున్నారు ప్రేక్షకులు. రోజా కనిపించలేదంటే జబర్దస్త్కి గుడ్ బై చెప్పిందా? ఏంటి.. అని అనుమాన పడుతున్నారు. కానీ అసలు విషయం అది కాదట.
రోజా మిస్సింగ్ను ఇలా కవర్ చేశారు
ప్రస్తుతం రోజా రాజకీయ కార్యక్రమాలతో బిజీగా ఉండటం కారణం గానే కాస్త గ్యాప్ తీసుకుందట. అందుకే నాగబాబు సోలోగా జబర్దస్త్ జడ్జ్ సీట్లో కనిపించారని అంటున్నారు. అయితే రోజా మిస్సింగ్ను వరుణ్ తేజ్, హరీష్ శంకర్తో కవర్ చేయడం విశేషం. సెప్టెంబర్ 20న ప్రసారం కాబోయే ఈ ఎపిసోడ్లో వాల్మీకి టీం వస్తున్నారు.
తండ్రి కొడుకుల కితకితలు
అంటే ఈ ఎపిసోడ్ లో మెగా తండ్రి కొడుకులు కితకితలు పెట్టనున్నారన్నమాట. కంటిస్టెంట్స్ స్కిట్స్ నడుమ మెగా బ్రదర్ నాగబాబు, ఆయన తనయుడు వరుణ్ తేజ్ సందడి సెంటర్ ఆఫ్ అట్రాక్షన్ కానుంది. దీంతో ఈ ప్రోమో వీడియో వైరల్ కావడం, ఎపిసోడ్ పై ఆసక్తి రేకెత్తడం రెండూ ఒకేసారి జరిగాయి.
ఎప్పటి నుంచో రోజా గురించి అవే వార్తలు
ఇటీవలి ఆంద్రప్రదేశ్ అసెంబ్లీ ఎన్నికల్లో రోజా విజయం సాధించడంతో ఆమె జబర్దస్త్కి గుడ్ బై చెప్పేయనుందని వార్తలు గుప్పుమంటున్నాయి. కానీ రోజా సందడి మాత్రం ఆగడం లేదు. అప్పుడప్పుడూ కొన్ని ఎపిసోడ్స్ మినహాయిస్తే ఎక్కువగా రోజా నవ్వులు నాట్యమాడుతూనే ఉన్నాయి. ఈ లెక్కన చూస్తే జబర్దస్త్ ప్రోగ్రాం రోజా అస్సలు వదలదని అర్థమవుతోంది.