ఎన్టీఆర్ ‘బాద్ షా’కి పనిచేయటం లేదంటూ ట్వీట్

ఎన్టీఆర్, శ్రీను వైట్ల కాంబినేషన్ లో 'బాద్ షా'అనే చిత్రం రూపొందనుందనే సంగతి తెలిసిందే. దాంతో శ్రీను వైట్ల సతీమణి రూపా వైట్ల ..స్టైలింగ్ చేస్తుందని భావించి ఆమెకు విషెష్ చెప్తూ మెసేజ్ లు ఎన్టీఆర్ ఫ్యాన్స్ నుంచి వచ్చాయి. ఈ నేఫధ్యంలో ఆమె తాను ఈ చిత్రానికి స్టైలింగ్ చేయటం లేదన్నారు. తన ట్విట్టర్ పేజీలో ఈ విషయాన్ని ఖరారు చేస్తూ... మీ వాల్యుబల్ సజెషన్స్ కి కృతజ్ఞతలు....కనీ నేను బాద్షా చిత్రంలో ఎవరికీ స్టైలింగ్ చేయటం లేదు అన్నారు. అయితే ఆమె డైరక్ట్ గా ఈ విషయంలో ఇన్వాల్స్ కాకపోయినా డిజైనింగ్ విషయాలు చూస్తుందని సమాచారం. దూకుడులో సమంతకు స్టైలింగ్ చేసి పేరు తెచ్చుకున్న ఆమె ప్రస్తుతం ఆటో నగర్ సూర్య చిత్రానికి చేస్తోంది.

బాద్షా చిత్రం తొలి షెడ్యూల్ ను ఏకధాటిగా 50 రోజుల పాటు ఇటలీలో ప్లాన్ చేశారు. ఈ చిత్రంలో ఎన్టీఆర్ సరసన కాజల్ అగర్వాల్ నటిస్తోంది. జూ ఎన్టీఆర్-కాజల్ కాంబినేషన్లో ఇప్పటికే బృందావనం లాంటి హిట్ సినిమా రావటంతో మంచి క్రేజ్ వస్తుందని భావిస్తున్నారు. ఫ్యామిలీ అండ్ హిల్లేరియస్ యాక్షన్ ఎంటర్ టైనర్ గా రూపొందుతున్న ఈచిత్రానికి తమన్ సంగీతం అందించనున్నాడు.

ఇప్పటికే రెడీ, దూకుడు లాంటి చిత్రాలతో మంచి క్రేజ్ సంపాదించుకున్న శ్రీను వైట్ల ఈ సారి అంతకు మించిన ఎంటర్ టైన్మెంట్ సబ్జెక్టుతో 'బాద్ షా' చిత్రాన్ని ప్లాన్ చేస్తున్నారు. దూకుడు చిత్రానికి పని చేసిన రచయితలు కోన వెంకట్, గోపీ మోహన్, సంగీత దర్శకుడు తమన్ తో పాటు చాలా మంది టెక్నీషియన్స్ 'బాద్ షా' చిత్రానికి పని చేస్తున్నారు. ఈ సినిమా మరో దూకుడు అవుతుందని,ఆ రేంజిని దాటినా ఆశ్చర్యపోనక్కర్లేదని అంటున్నారు.

ఇక ఎన్టీఆర్ సైతం ఈ చిత్రంపై చాలా నమ్మకంగా ఉన్నారు. ఆయన మీడియాతో మాట్లాడుతూ...సినిమా హిలేరియస్ ఎంటర్టైన్మెంట్ గా ఉంటుంది అన్నారు. శ్రీను వైట్ల,ఎన్టీఆర్ కాంబినేషన్ అంటే జనం రకరకాలు అంచనాలు వేస్తున్నారు. వాటినన్నిటికీ అతీతంగా కథ,కథనం ఉంటాయి. పూర్తిగ మొదటినుంచి చివరి వరకూ పొట్ట పగిలేలా నవ్విస్తాము అన్నారు. గబ్బర్ సింగ్ తో సూపర్ హిట్ కొట్టిన గణేష్,దూకుడుతో సూపర్ హిట్ కొట్టిన శ్రీనువైట్ల కాంబినేష్ కాబట్టి తమకీ ఆ రేంజి హిట్ పడుతుందని ఎన్టీఆర్ పూర్తి నమ్మకంగా ఉన్నారు. ట్రేడ్ లో సైతం ఆ నమ్మకంతో హైప్ క్రియేట్ అవుతోంది.