Don't Miss!
- Sports రోహిత్పై వేటు వేయడానికి కారణమిదే- రాబిన్ ఉతప్ప
- News బోండా ఉమా భయం వెనుక - ఏం జరుగుతోంది..!!
- Finance Zomato: జొమాటోకు షాక్.. రూ. 11.81 కోట్ల పెనాల్టీ..!
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
- Automobiles కొత్త మారుతి స్విఫ్ట్ బుకింగ్ ప్రైస్ ఎంతో తెలుసా? ఇక్కడ చూడండి!
- Technology ధర రూ.10 వేల లోపే, 108MP కెమెరాతో కొత్త ఫోన్! లాంచ్, సేల్ వివరాలు
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
ఆర్పీ పట్నాయిక్ ‘బ్రోకర్’ గా మారేదెప్పుడంటే...
శ్రీహరి, ఆర్.పి.పట్నాయక్, ఆశాషైనీ (మయూరి) ప్రధానపాత్రలుగా రూపొందిన 'బ్రోకర్" చిత్రం ఈ నెల 11న విడుదలకు సిద్ధమైంది. ఈ సందర్భంగా మంగళవారం ఫిలిం ఛాంబర్లో ఏర్పాటుచేసిన మీడియా సమావేశంలో ఆర్.పి.పట్నాయక్ మాట్లాడుతూ...సినిమా చూసిన సెన్సార్ సభ్యులు అభినందించారు. ఇటీవలి కాలంలో ఇంత మంచి సినిమా చూడలేదని, రాష్ట్ర, దేశంలో ఈ చిత్రానికి అవార్డులు అందుకునేంతగా కథాకథనం ఉందని ప్రశంసించారు. ఆంధ్రప్రదేశ్లోనే కాదు భారతదేశంలోని ప్రతి ఒక్కరూ చూడాల్సిన చిత్రమిదని వారన్నారు. ఈ మధ్యకాలంలో విడుదలైన 'బొమ్మరిల్లు" చిత్రానికి అంతకుముందు, 'ఒక్కడు" చిత్రానికి ఎలాంటి నెగిటివ్ టాక్ రాలేదు. ఆ కోవలో మా చిత్రం కూడా చేరబోతోంది, అవినీతి మీద ఇంత నిజాయితీగా సినిమా ఎవరూ తీయలేదని ప్రశంసలు లభించాయని తెలిపారు. ఈ చిత్రంలో నెగిటివ్ షేడ్స్ ఉన్న అవినీతిపరుడి క్యారెక్టర్ ని ఆర్పీ పోషిస్తున్నారు. చాలా తెలివైనవాడు, అవకాశం కోసం ఎంతకైనా తెగించే పాత్ర అది.
డైరెక్టర్స్ సినిమా పతాకంపై ఆర్.పి.పట్నాయక్ దర్శకత్వంలో మద్దినేని రమేష్ ఈ చిత్రాన్ని నిర్మించారు. అర్చన, కీర్తి చావ్లా, సురేష్, కౌశ, కోట శ్రీనివాసరావు, గొల్లపూడి మారుతీరావు తదితరులు నటించిన ఈ చిత్రానికి మాటలు: ఎంవిఎస్ హరనాథరావు, పాటలు: చైతన్యప్రసాద్, నిర్వహణ: జి.భరత్కుమార్.