బ్యాడ్ నేమ్ రావొద్దనే.. మీడియా ముందుకు రాజమౌళి.. హీరోయిన్ వ్యవహారమే కారణమా?

మీడియాకు ముందుకు రాబోతున్న రాజమౌళి

ఫిల్మ్ నగర్ వర్గాల నుంచి అందుతున్న సమాచారం ప్రకారం మార్చి 14న రాజమౌళి మీడియా ముందుకు రాబోతున్నారని, సినిమాపై వస్తున్న రూమర్స్ మీద వివరణ ఇవ్వడంతో పాటు మరిన్ని అప్డేట్స్ ఇవ్వబోతున్నట్లు తెలుస్తోంది.

హీరోయిన్ వ్యవహారమే కారణమా?

రాజమౌళి మీడియా ముందుకు రావడానికి ఈ సినిమా హీరోయిన్ ఎంపిక విషయంలో మీడియాలో జరిగిన రచ్చే. జాతీయ మీడియాలో సైతం ఇందుకు సంబంధించిన వార్తలు వచ్చాయి. అలియా భట్ కోసం రాజమౌళి చాలా ప్రయత్నాలు చేశారని, అయితే ఆమె అతడి ఆఫర్ తిరస్కరించినట్లు ప్రచారం జరిగింది.

ఆ రూమర్ మరింత బాధించిందా?

గతంలో అలియా భట్‌ను సంప్రదించగా.... నా డేట్స్ ఖాళీ లేవని ఆమె స్పష్టం చేసింది. అయినా రాజమౌళి మరోసారి తన టీంను పంపి రెమ్యూనరేషన్ ఎక్కువ ఇస్తాం అంటూ ఆఫర్ చేసినట్లు వార్తలు వినిపించాయి. దీనికి అలియా నేను డబ్బు మనిషిని కాదంటూ రిప్లై పంపినట్లు గాసిప్స్ గుప్పుమన్నాయి. ఈ రూమర్స్ రాజమౌళిని మరింత బాధించాయట.

ప్రెస్ మీట్లో స్టోరీ లైన్ చెప్పబోతున్నారా?

ఇక ‘ఆర్ఆర్ఆర్' సినిమా బ్యాక్ డ్రాప్ ఏమిటి? ఎలాంటి కథతో సినిమా రాబోతోంది అనే విషయంలో కూడా రకరకాల ప్రచారం జరుగుతోంది. దీనిపై కూడా రాజమౌళి క్లారిటీ ఇవ్వబోతున్నట్లు సమాచారం. గతంలో ఈగ, బాహుబలి సినిమా సమయంలో రిలీజ్ ముందే కథకు సంబంధించిన వివరాలు ఆయన వెల్లడించిన సంగతి తెలిసిందే.