కేక న్యూస్ : దేశంలోనే తొలిసారి... 'బాహుబలి' కోసం

హైదరాబాద్ : ఇప్పటికే 'బాహుబలి'కి సంబంధించిన టీజర్‌ సోషల్ మీడియాలో సంచలనాలు క్రియేట్ చేస్తోంది. ఫ్యాన్స్ అంతా పండుగ చేసుకుంటున్నారు. ఈ నేపధ్యంలో మరో వార్తను రాజమౌళి ప్రకటించారు. అది మరింత ఉత్తేజపరిచేది. అదేమిటంటే...

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

'బాహుబలి సినిమాకోసం వినియోగించిన వస్తువులతో ప్రత్యేకంగా ఓ మ్యూజియంని ఏర్పాటు చేయబోతున్నారు. ఇలా ఒక సినిమా కోసం మ్యూజియం ఏర్పాటు చేయడం మన దేశంలో ఇదే తొలిసారి. 'బాహుబలి'లో నటీనటులు వాడిన ఆయుధాలు, వాళ్లు ధరించిన దుస్తులు, కవచాలు ఈ మ్యూజియంలో ప్రదర్శనకి ఉంచబోతున్నారు. రాజమౌళి ఆలోచనల మేరకే ఈ మ్యూజియం ఏర్పాటు చేయబోతున్నట్టు నిర్మాతలు తెలిపారు.

ఇక టీజర్ విషయానికి వస్తే...

శనివారం రాత్రి 7.30కి 'బాహుబలి'కి సంబంధించిన ఓ టీజర్‌ని విడుదల చేసి సంచలనం క్రియేట్ చేసారు...అభిమానులను ఆనందపరిచారు. 20 సెకన్లపాటు సాగే ఆ టీజర్‌ 'బాహుబలి' సినిమా స్థాయి ఏమిటో చాటి చెబుతోంది. వేలాది మంది సైనికులు పోరాటంలోకి దిగుతుండగా... రానా కత్తి దూసేందుకు సన్నద్ధమవుతూ ఆ టీజర్‌లో కనిపించాడు. చివరిగా ప్రభాస్‌ కళ్లను మాత్రమే చూపించారు. జూన్‌ 1న 2 నిమిషాల ట్రైలర్‌ని థియేటర్లలో విడుదల చేయబోతున్నారు.

భారతీయ చిత్ర పరిశ్రమలో అత్యంత భారీ వ్యయంతో రూపొందుతున్న చిత్రం 'బాహుబలి'. రెండు భాగాలుగా తెరకెక్కుతున్న ఈ సినిమా తొలి భాగం 'బాహుబలి - ది బిగినింగ్‌' పేరుతో ప్రేక్షకుల ముందుకు రాబోతోంది. ప్రభాస్‌ హీరోగా నటించారు. అనుష్క, తమన్నాహీరోయిన్స్. రానా విలన్ గా కనిపిస్తారు. ఎస్‌.ఎస్‌.రాజమౌళి దర్శకుడు. శోభు యార్లగడ్డ, ప్రసాద్‌ దేవినేని నిర్మిస్తున్నారు. కె.రాఘవేంద్రరావు సమర్పకులు. కీరవాణి సంగీతం అందించారు.