అంత అవమానాన్ని తట్టుకోలేక.. ఇంటర్వ్యూలోనే ఏడ్చేసిన హీరోయిన్..

'హిందీ మీడియం':

బాలీవుడ్ నటుడు ఇర్ఫాన్‌ ఖాన్‌తో కలిసి గతేడాది 'హిందీ మీడియం' సినిమాలో నటించారు సబా కమర్. ఈ సినిమా షూటింగ్ కోసం జార్జియాలోని తబ్లిసికి వెళ్లినప్పుడు అక్కడి అధికారులు తన పట్ల వ్యవహరించిన తీరుకు తాను నిర్ఘాంతపోయినట్లు సబా కమర్ తెలిపారు.

ఎయిర్‌పోర్ట్ తనిఖీలు..:

పాకిస్థాన్‌లో ఉండి మనం పాకిస్థాన్‌ జిందాబాద్‌. పాకిస్థాన్‌ జై అంటూ ఎన్నో నినాదాలు చేస్తాం. కానీ మనం బయటకు వెళ్లినప్పుడు మన పట్ల జరిగే తనిఖీలు ఎంత దారుణంగా ఉంటాయో మాటల్లో చెప్పలేను. అవమానకర రీతిలో ఆ తనిఖీలు ఉంటాయి' అని సబా కమర్ ఆవేదన వ్యక్తం చేశారు.

అందరూ వెళ్లిపోయారు.. నేను మాత్రం:

'భారతీయ చిత్రయూనిట్‌తో షూటింగ్‌ కోసం మేం తబ్లిసీ వెళ్లినప్పుడు ఏం జరిగిందో నాకు ఇప్పటికీ గుర్తుంది.చిత్రయూనిట్‌ మొత్తం ఎయిర్ పోర్ట్ నుంచి వెళ్లిపోయింది. నన్ను మాత్రం అధికారులు అదుపులోకి తీసుకుని ప్రశ్నించారు. పూర్తిగా తనిఖీలు చేశాకే అక్కడినుంచి పంపించారు.

కేవలం పాకిస్తానీ అన్న కారణంతో..:

'కేవలం పాకిస్తానీ అన్న కారణంతోనే అక్కడి అధికారులు నన్ను ఇంతలా అవమానించారు. బయట మనకు ఇలాంటి పరిస్థితులు ఉన్నాయా? అన్న విషయం ఆరోజే నాకు అర్థమైంది' అని చెబుతూ సబా కమర్ కన్నీటి పర్యంతమయ్యారు.

వీడియో వైరల్.. :

బయటి దేశాల్లో పాకీస్తానీలకు ఎదురవుతున్న అవమానాలపై సబా కమర్ ఉద్వేగంగా మాట్లాడిన వీడియో ఇప్పుడు సోషల్ మీడియాలో వైరల్ గా మారింది. చాలామంది పాకీస్తానీలు సబా కమర్ లేవనెత్తిన అంశాలపై చర్చించుకుంటున్నారు. కాగా, బాలీవుడ్ లో ఆమె నటించిన 'హిందీ మీడియం' సినిమా మంచి హిట్ సాధించిన సంగతి తెలిసిందే.