ఆయనలో నా తల్లిని చూసుకొన్నా.. స్ట్రగుల్స్‌లో అండగా.. ఎవరిమాట వినొద్దు.. సాయిధరమ్ తేజ్

నా సక్సెస్ కాదు.. అందరిదీ

చిత్రలహరి సక్సెస్ నా ఒక్కరిది కాదు. ఈ సినిమాకు పనిచేసిన యూనిట్ సభ్యులు.. సినిమాను చూసి స్ఫూర్తి పొందిన వారి విజయం. జీవితంలో ఎన్ని అడ్డంకులు వచ్చినా మీ పోరాటం ఆగదు. తప్పకుండా మీ లక్ష్యాన్ని చేరుకొంటారు. కాదు.. జరగదు అంటూ ఎవరెన్నీ చెప్పినా వినకుండా మీ ప్రతిభను మీరు నమ్ముకోండి.

ఫెయిల్యూర్స్‌లో అవకాశం ఇచ్చిన

ఫెయిల్యూర్స్‌లో ఉన్న నాకు అవకాశం ఇచ్చిన మైత్రీ మూవీస్ మేకర్స్ నిర్మాతలు నవీన్, రవిశంకర్, మోహన్ థ్యాంక్స్. సాంకేతిక నిపుణులు చాలా కష్టపడి పనిచేశారు. హీరోయిన్లు కల్యాణి ప్రియదర్శి, నివేథా పేతురాజ్ చక్కగా నటించారు. సినిమాలో కెమెరామెన్ నా లుక్‌ను మార్చేశారు. నాకు గడ్డం బాగుంటుందని చెప్పారు.

సునీల్ నేను స్ట్రగుల్స్‌లో

నా గ్లాస్‌మెట్స్ సునీల్, హైపర్ ఆది నాకు చాలా సపోర్ట్ చేశారు. సునీల్, నేను చాలా స్ట్రగుల్ అవుతున్న సమయంలో సక్సెస్ కొట్టాలని డిసైడ్ అయ్యాం. మేమంత చాలా కష్టపడ్డాం. మా సీన్లపై హోంవర్క్ చేశాం. హైపర్ ఆది ఇన్‌పుట్స్ ఇచ్చారు. ఎడిటింగ్‌లో మంచి సీన్లు పోయాయి.

పోసాని అంటే నాకు చాలా ఇష్టం

సినిమాలో నా తండ్రి పాత్రను పోషించిన పోసాని అంటే నాకు ఇష్టం. చిత్రలహరిలో సినిమా షూట్‌లో నాకు మంచి సపోర్ట్ ఇచ్చారు. ఆయన చెప్పే చిన్న చిన్న మాటలు నాకు బాగా ఇష్టం. నా మొదటి సినిమా నుంచి నాకు మంచి ప్రోత్సాహం ఇస్తున్నారు. సినిమాలో పోసాని పాత్రలో నా తల్లిని చూసుకొన్నాను. నేను ఫెయిల్యూర్స్‌లో ఉన్న సమయంలో పోసాని మాదిరిగానే నా తల్లి నాకు సపోర్ట్ ఇచ్చేవారు అని సాయిధరమ్ తేజ్ అన్నారు.