వెంకీమామ సాంగ్‌కు మెగా మేనళ్లుడికి లింక్.. వీడియో వైరల్.. ఎమోషనల్ అయిన హీరో

వైరల్ అవుతోన్న పాట..

వెంకీ మామ నుంచి విడుదలైన ఫస్ట్ సాంగ్ ఎంతో ఎమోషనల్‌గా ఉండటంతో వైరల్ కాసాగింది. మామ గురించి తన అల్లుడు పాడే పాటలో ఎంతో ఎమోషన్ ఉన్నట్టు కనిపిస్తోంది. ఈ పాట వింటే.. చిన్నప్పటి నుంచి తన అల్లుడిని గారాభంగా పెంచిన మామ గురించి మనకు తెలుస్తోంది. మామా మామా నేనే పలికిన తొలి పదమా.. అమ్మైనా నాన్నైనా నువ్వేలే వెంకీ మామా అంటూ పాట సాగుతూ ఉండటంతో వారిద్దరి మధ్య ఉన్న రిలేషన్, ఎమోషన్ ఏంటన్నది అర్థమవుతోంది.

వెంకీమామలో మెగా ఫ్యామిలీ..

మామ అల్లుళ్లులు అంటే మెగా మేనళ్లుడు సాయి ధరమ్ తేజ్, చిరంజీవి, పవన్ కళ్యాణ్‌లు కూడా గుర్తొస్తుంటారు సినీ అభిమానులకు. పైగా సాయి ధరమ్ తేజ్‌కు తన మామలైన చిరంజీవి, పవన్ కళ్యాణ్, నాగబాబులు అంటే ఎంత ఇష్టమన్నది ఎన్నో వేదికలపై బహిరంగంగానే ప్రకటించాడు. చిరు, పవన్ కళ్యాణ్‌లు తనకు ప్రాణమని ఎన్నో ఈవెంట్లలో అభిమానుల సాక్షిగా చెప్పాడు. ఇలా వీరి మధ్య ఉన్న బందాన్ని ఓ అభిమాని కొత్తగా ఆవిష్కరించాడు.

వెంకీమామ సాంగ్.. మెగా ఫ్యామిలీ

సాయి ధరమ్ తేజ్, చిరంజీవి, పవన్ కళ్యాణ్ కలిసి మాట్లాడుతున్న వీడియోలను, మీలో ఎవరు కోటీశ్వరుడు కార్యక్రమంలో పాల్గొన్న నాటి వీడియోను, ప్రీ రిలీజ్ ఈవెంట్లలో ఈ ముగ్గురు కలిసి ఉన్న వీడియోలను లింక్ చేసి వెంకీమామ సాంగ్‌కు యాడ్ చేసి ఎడిట్ చేసేశారు. ఇక ఇంకేముంది ఎంతో ఎమోషనల్‌గా అనిపించిన ఈ ఎడిటెడ్ వీడియో అభిమానులను ఆకట్టుకుంది.

మెగా మేనళ్లుడి వద్దకు చేరిన వీడియో..

తిరిగి తిరిగి ఈ వీడియో సాయి ధరమ్ తేజ్ వద్దకు చేరుకుంది. అభిమాని క్రియేట్ చేసిన ఈ వీడియోను చూసిన మెగాహీరో.. ఎంతో ఎమోషనల్ అయినట్టు కనిపిస్తోంది. ఈ మేరకు సోషల్ మీడియా స్పందిస్తూ.. ఇది నాకు చాలా నచ్చింది.. ఎవరో చేశారో వారికి ధన్యవాదాలు.. వారంటే నాకెంత ఇష్టమో ఈ వీడియోను తెలియజేస్తోంది అని ట్వీట్ చేశాడు.

ఫుల్ జోష్‌లో ఉన్న సుప్రీమ్ హీరో..

వరుస అపజయాలతో విసిగెత్తి పోయిన సాయి ధరమ్ తేజ్‌కు.. చిత్రలహరి సినిమా కాస్త ఉపశమాన్ని ఇచ్చింది. రొటీన్‌కు భిన్నంగా.. హీరోయిజానికి దూరంగా ఉన్న ఈ పాత్రలో మెగా హీరో అద్భుతంగా నటించి విజయాన్ని అందుకున్నాడు. ప్రస్తుతం మారుతి దర్శకత్వంలో ప్రతి రోజూ పండుగే అనే ఫ్యామిలీ ఎంటర్టైనర్‌ను చేస్తున్నాడు. ఈ మూవీ డిసెంబర్ 20న ప్రేక్షకుల ముందుకు రానుంది.