Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
'అలెగ్జాండర్' గా సాయి ధరమ్ తేజ, ఫస్ట్ లుక్ విడుదల చేసిన చరణ్
హైదరాబాద్: సందీప్కిషన్ హీరోగా కృష్ణవంశీ దర్శకత్వంలో తెరకెక్కుతున్న చిత్రం 'నక్షత్రం'. సాయిధరమ్ తేజ్ ఓ కీలక పాత్రలో నటిస్తున్నారు. సాయిధరమ్ తేజ్ ఈ చిత్రంలో యంగ్ పోలీసు అధికారి అలెగ్జాండర్గా కనిపించనున్నారు. ఆ పాత్రకి సంబంధించిన ఫస్ట్లుక్ని హీరో రామ్చరణ్ ఆన్లైన్లో విడుదల చేశారు.
అలెగ్జాండర్ అందరి మనసుల్ని దోచేస్తాడని సాయిధరమ్ తేజ్ ట్విట్టర్లో పేర్కొన్నారు. కృష్ణవంశీ దర్శకత్వంలో ఓ శక్తిమంతమైన పాత్రని పోషిస్తుండడం సాయిధరమ్ తేజ్ అదృష్టం అన్నారు రామ్చరణ్.
సందీప్ కిషన్, రెజీనా జంటగా నటిస్తున్న ఈ చిత్రంలో ప్రగ్యాజైశ్వాల్ మరో ప్రత్యేక పాత్రలో కనిపించనున్నారు. కె. శ్రీనివాసులు, ఎస్. వేణుగోపాల్, సజ్జు ఈ చిత్రానికి నిర్మాతలుగా వ్యవహరిస్తున్నారు. ఇప్పటికే ఈ చిత్రానికి సంబంధించి సందీప్, రెజీనా, ప్రగ్యాల ఫస్ట్లుక్ను రామ్చరణ్ విడుదల చేసిన సంగతి తెలిసిందే.
ఇక 'పిల్లా నువ్వులేని జీవితం' చిత్రంతో తెలుగు ప్రేక్షకులకు పరిచయమైన మెగా వారసుడు సాయిధరమ్తేజ్. ఈ చిత్రం అతడికి ఓ మంచి నటుడిగా గుర్తింపు తెచ్చింది. తర్వాత నటించిన 'సుబ్రమణ్యం ఫర్సేల్', 'సుప్రీమ్' చిత్రాలతో హిట్ అందుకున్నాడు సాయిధరమ్తేజ్ . ప్రస్తుతం గోపీచంద్ మలినేని దర్శకత్వం వహిస్తున్న విన్నర్ అనే చిత్రం చేస్తున్నారు. ఈ చిత్రాన్ని లక్ష్మీనరసింహ ప్రొడక్షన్స్ పతాకంపై నిర్మిస్తున్నారు.రకుల్ప్రీత్ సింగ్ చిత్రంలో హీరోయిన్ గా నటిస్తున్నారు. థమన్ సంగీతం సమకూరుస్తున్నారు.