మొన్న రాంచరణ్, నేడు సాయిధరమ్ తేజ్.. డౌట్ ఎందుకు, ఏం చెప్పినా చేస్తా!

ఒక్కడిగానే ప్రారంభించి

పవన్ కళ్యాణ్ జనసేన పార్టీని స్థాపించే సమయంలో కుటుంబ మద్దత్తు లేదు. ఆ సమయంలో అనేక రాజకీయ సమీకరణాలు ఉన్నాయి. ప్రస్తుతం మెగాస్టార్ చిరంజీవి రాజకీయాలకు పూర్తిగా దూరమైనట్లే కనిపిస్తున్నారు.

బాబాయ్‌కి మద్దత్తుగా

హ్యాపీ మొబైల్స్ కు రాంచరణ్ ఎండార్స్ మెంట్ చేస్తున్నారు. ఆ ప్రకటన సమయంలో మీడియాతో మాట్లాడారు. జనసేన పార్టీకి ప్రచారం చేసే విషయంలో తనకు రెండో ఆలోచన లేదని తెలిపాడు. బాబాయ్ పిలిచిన వెంటనే ఒక్క క్షణం కూడా ఆలోచించకుండా వెళతానని రాంచరణ్ ప్రకటించిన సంగతి తెలిసిందే.

అదే దారిలో తేజు

మెగా మేనల్లుడు సాయిధరమ్ తేజ్ కూడా అదే విషయాన్ని ప్రస్తావించాడు. రాజమహేంద్రవరంలో ఓ షాపింగ్ మాల్ ఓపెనింగ్ కు వెళ్లిన తేజు మీడియాతో మాట్లాడాడు. జనసేన పార్టీకి సపోర్ట్ చేస్తారా అని మీడియా ప్రశ్నించగా తేజు ఆసక్తికర సమాధానం ఇచ్చాడు.

ఏం చెప్పినా చేస్తా

ఆ విషయంలో డౌట్ ఎందుకు. పవన్ కళ్యాణ్ గారు ఏం చెప్పినా చేస్తా అంటూ సాయిధరమ్ తేజ్ సమాధానం ఇచ్చాడు. సాయిధరమ్ తేజ్ ప్రస్తుతం తేజు ఐ లవ్ యూ అనే చిత్రంలో నటిస్తున్న సంగతి తెలిసిందే. జూన్ 29 న ఈ చిత్రం ప్రేక్షకుల ముందుకు రాబోతోంది.