twitter
    For Quick Alerts
    ALLOW NOTIFICATIONS  
    For Daily Alerts

    మా అన్నయ్య,తేజ మధ్య తేడా అదే : సాయిరాం శంకర్

    By Srikanya
    |

    హైదరాబాద్ : మా అన్నయ్య, తేజ వీరిద్దరికీ ఉన్న లక్షణం ఏంటంటే.... నటించి చూపించడం. ఆర్టిస్టుల శారీరకభాషని బట్టే కాకుండా... వారిలో ఇంకా ఏదైనా వేరే యాంగిల్ ఉందా? అని కూడా చూస్తారు. అందుకే... ఆర్టిస్టులు వారి ప్రీవియస్ చిత్రాల్లో ఒకలా కనిపిస్తే... పూరిజగన్నాథ్, తేజ చిత్రాల్లో ఒకలా కనిపిస్తారు. ఇక సంబంధం లేని విషయాలేంటంటే, షాట్లు తీయడంలో ఇద్దరివీ డిఫరెంట్ స్టైల్. అన్నయ్య.. షాట్బై షాట్ తీసుకుంటూ వెళ్లిపోతారు. తేజ అలాకాదు.. ఒక సీన్ మొత్తాన్ని ముందు రిహార్సల్స్ చేయిస్తారు. 'చేయగలుగుతున్నారు' అని ఆయనకు అనిపించాకే కెమెరా ముందుకు తెస్తారు. అవసరమైతే అప్పుడప్పుడు షాట్లు కూడా తీస్తారు. ఇద్దరి దగ్గరా చాలా విషయాలు నేర్చుకున్నా అంటూ చెప్పుకొచ్చారు సాయిరాం శంకర్.

    పూరి జగన్నాథ్‌ తమ్ముడు... దర్శకత్వంపై అభిమానం, అవగాహన, ఆసక్తి ఉన్నాయి. కానీ తెరపైకి వచ్చి హీరోగా రాణిస్తున్నాడు. అతడే సాయిరామ్‌ శంకర్‌. 'బంపర్‌ ఆఫర్‌' సినిమాతో తొలి విజయం దక్కింది. అలాంటి మరో ఫలితం కోసం ఆయన ఎదురుచూస్తున్నారు. ఇప్పుడు తేజ సినిమా '1000 అబద్ధాలు' విడుదలకు సిద్ధమైంది. గురువారం ఈ చిత్రం ప్రేక్షకుల ముందుకు రానుంది. ''ఇక్కడ విజయాలే మాట్లాడతాయి. హిట్టు కొట్టిన తరవాత ఎవరేమన్నా చెల్లుతుంది. '1000 అబద్ధాలు' అలాంటి అవకాశం ఇస్తుందనే నమ్మకం ఉంది'' అంటున్నారాయన.

    ఇక తేజ సెట్లో హీరో హీరోయిన్లను కొడతారని అంటుంటారు. మీరెన్ని దెబ్బలు తిన్నారు.. అన్న దానికి సమాధానం చెప్తూ... నేనూ ఈమాట విన్నా. కానీ సెట్లో అలాంటి విపత్తులేం జరగలేదు. నిజానికీ ఎవరూ ఆ అవకాశం ఆయనకు ఇవ్వలేదు. మా నుంచి ఏం కోరుకొంటారో అది అందిచ్చేశాం అన్నారు. అలాగే 'సాయిరామ్‌ శంకర్‌ని పెట్టుకోవద్దు' అని తేజకి చాలామంది సలహా ఇచ్చారట. నిజమేనా? అంటే... అందరికీ ఉన్నట్టు ఆయనకూ శ్రేయోభిలాషులు ఉంటారు కదండీ. ఆయన మంచి కోరి ఎవరు ఏదైనా చెప్పొచ్చు. కానీ ఏరికోరి నన్నే ఎంచుకొన్నందుకు ఆయనకి చాలా చాలా థ్యాంక్స్‌. ఆయనతో పనిచేయాలని ఎప్పటినుంచో అనుకొంటున్నా. నేనే వెళ్లి 'సార్‌ మీతో ఓ సినిమా చేయాలని ఉంది' అని అడిగా. నా కోసం ఇరవై కథలు చెప్పారు. అందులో ఒకటి.. ఈ '1000 అబద్ధాలు' అని అన్నారు.

    ఈ కథలో తనకు నచ్చిన పాయింట్ గురించి చెప్తూ... ఈ కథ తేజ నాకు చెప్పేముందు ఓ మాటన్నారు. 'ఇది నీ గత సినిమాలతో పోలిస్తే కచ్చితంగా కొత్తగా ఉంటుంది. ప్రేక్షకుల్లో నీపై ఓ సింపతీ క్రియేట్ చేస్తుందీ పాత్ర' అని. షూటింగ్ చేస్తున్నప్పుడు ఆయన ఏం చెప్పాడో అది నిజమవుతుందని నమ్మకం బలపడింది. ఈ కథలో ఓ చిన్న పెయిన్ ఉంటుంది. ఆ బాధే నాపై సింపతీని క్రియేట్ చేస్తుంది అన్నారు.

    English summary
    
 1000 Abaddalu is finally gearing up for release. Directed by Teja, this film will come to screens on the 15th August. The film has been delayed for long. Starring Sairam Shankar and Esther in the lead this film was cleared by the Censor Board recently. The makers of the movie say that 1000 Abaddalu is a comedy film. Ramana Gogula has scored the music for this film. In 1000 Abaddalu we will see Naga Babu acting as Towerstar, a crazy fan of Powerstar.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X