పవన్ కళ్యాణ్ నా చిత్రంలోనా..చాలా హ్యాపీ: సైఫ్ అలీఖాన్

జయంత్ సి పరాన్జీ దర్శకత్వంలో పవన్ కళ్యాణ్ హీరోగా ఓ చిత్రం ప్రారంభమైన విషయం తెలిసిందే. ఈ చిత్రాన్ని నటుడు గణేష్ నిర్మిస్తున్న విషయం కూడా తెలిసిందే. ఈ చిత్రంలో పవన్ కళ్యాణ్ సరసన అనుష్క నటించబోతుందని వార్తలు వస్తున్నాయి. ఈ చిత్రం బాలీవుడ్ 'లవ్ ఆజ్ కల్" చిత్రానికి రీమేక్.

బాలీవుడ్ లో ఈ చిత్రంలో సైఫ్ అలీఖాన్, దీపికా పదుకునే లు జంటగా నటించారు. ప్రస్తుతం సైఫ్ హీరోగా తానే నిర్మిస్తున్న హింది చిత్రం 'ఏజెంట్ వినోద్"షూటింగ్ లో భాగంగా హైదరాబాద్ చేరుకున్న సైఫ్ కి ఈ విషయం తెలియడంతో ఆయన చాలా సంతోషించాడట. పవర్ స్టార్ పవన్ కళ్యాణ్ గారు నాకు గతంలోనే తెలుసని ఆయనంటే నాకు కూడా ఎంతో ఇష్టమని నా చిత్రం ఆయన చేయడం చాలా సంతోషంగా ఉందని పవన్ కి ఈ చిత్రం మంచి పేరు తెచ్చిపెడుతుందని ఆయన తన ఆనందాన్ని తెలియజేశాడు.

అన్నట్టు ఈ చిత్రంలో బాలీవుడ్ భామ దీపికా పదుకునె ఓ పాత్ర చేయనుందని కూడా సమాచారం. దీపికా పదుకునె, జయంత్ కి మధ్య మంచి పరిచయాలు ఉండటంతో దీపికా ఇందులో నటించడానికి ఒప్పుకుందని వార్తలు వస్తున్నాయి. పూర్తి వివరాలు త్వరలో తెలియనున్నాయి.