అన్నయ్యతో సమానం, హీరోయిన్ షాకింగ్ స్టేట్మెంట్

హైదరాబాద్: మిల్కీ బ్యూటీ తమన్నా ఇప్పుడు తన అదృష్టాన్ని బాలీవుడ్ లో పరీక్షించుకుంటోంది. మొదటి సినిమా 'హిమ్మత్ వాలా' అజయ్ దేవగన్ తో నటించిన తమన్నా పరాజయం చవి చూడక తప్పలేదు. ప్రస్తుతం ఆమె సాజిద్ ఖాన్ దర్శకత్వంలో 'హమ్ షకల్స్' చిత్రంలో నటిస్తోంది. ఈ చిత్రంలో ఆమె సైఫ్ అలీ ఖాన్‌‌కు జోడీగా నటిస్తోంది.

ప్రస్తుతం బాలీవుడ్ వర్గాల్లో వినపడుతున్న విషయం ఏమిటంటే ఈ అమ్మడు సాజిద్ ఖాన్ తో ప్రేమలో పడిందనే వార్తలు హల్ చల్ చేస్తున్నాయి. ఆ మధ్య ఆమె దర్శకుడితో కలిసి లిప్టులో రొమాన్స్ చేసిందనే అంశం హాట్ టాప్ అయింది. ఇంతకు ముందు ఈ దర్శకుడు జాక్విలిన్ ఫెర్నాండెజ్ అనే మరో హీరోయిన్ తో కూడా ప్రేమ వ్యవహారం నడిపినట్టు వార్తలొచ్చాయి.

ఇంతకీ తమన్నా, సాజిద్ ఖాన్ మధ్య ఇలాంటి వార్తలు ప్రచారంలోకి రావడానికి మరో కారణం కూడా ఉంది. ఈ చిత్రంలో తమన్నాతో పాటు బాలీవుడ్ భామలు బిపాసా బసు, ఇషా గుప్తా కూడా నటిస్తున్నారు. దర్శకుడు మిగిలిన ఇద్దరు బాలీవుడ్ భామలకంటే తమన్నాకే ఎక్కువ ప్రాధాన్యత ఇవ్వడం, 'హమ్‌షకల్స్' సినిమా ప్రమోషన్లకు కూడా తమన్నానే ఎంచుకోవడం లాంటివి చేసాడు. ఓ సీన్లు తమన్నా బికినీ వేయాల్సి ఉండగా....ఆమెకు ఇష్టం లేక పోవడంతో మినహాయింపు ఇచ్చాడు. మిగిలిన ఇద్దరు భామలతో మాత్రం పట్టుబట్టి బికినీ వేయించి మరీ సీన్లు చిత్రీకరించారు.

అయితే ఈ వార్తలను తమన్నా ఖండిస్తోంది. తమ మధ్య అలాంటి వార్తలు ప్రచారంలోకి రావడం విచారకరమని, సాజిద్ ఖాన్ తనకు అన్నయ్య లాంటి వాడని అంటోంది. సాజిద్ ఖాన్ గురించి తమన్నా ఇలా ఒక్కసారిగా షాకింగ్ స్టేట్మెంట్ ఇవ్వడంపై పలువురు ఆశ్చర్యం వ్యక్తం చేస్తున్నారు.