నటుడు సలీల్ అంకోలా మాజీ భార్య ఆత్మహత్య

By Pratap

| Updated: Monday, December 23, 2013, 12:03 [IST]

పూణే: క్రికెటర్ నుంచి నటుడిగా మారిన సలీల్ అంకోలా మాజీ భార్య మరణించింది. ఆమె ఆత్మహత్య చేసుకున్నట్లు భావిస్తున్నారు. ఆదివారం సాయంత్రం ఆమె పూణేలో మరణించారు. సలీసుబరీ పార్క్‌లోని గీతా సొసైటీ అపార్టమెంటులో పరిణీత అంకోలా (46) సీలింగ్ ఫ్యాన్‌కు ఉరేసుకుని కనిపించింది.

పరిణీత, అంకోలా 2011లో విడాకులు తీసుకున్నారు. వారికి ఓ కుమారుడు, ఓ కూతురు ఉన్నారు. ఆదివారం సాయంత్రం పరిణీత తల్లి బయటకు వెళ్లారని, తిరిగి రాత్రి 8 గంటలకు ఇంటికి వచ్చారని, ఇంటి తలుపులు మూసి ఉండడాన్ని ఆమె చూశారని, ఏదో జరిగిందనే భయంతో ఆమె ఇరుగుపొరుగువారిని పిలిచారని, పోలీసులకు సమాచారం ఇచ్చారని పోలీసులు చెప్పారు.

పరిణీత గదిలో ఉరేసుకుని కనిపించింది. వెంటనే ఆమెను ససూన్ ఆస్పత్రికి తరలించారు. అప్పటికే ఆమె మరణించినట్లు వైద్యులు తెలిపారు. సూసైడ్ నోట్ ఏదీ కనిపించలేదని పోలీసులు చెప్పారు.