మళ్ళీ భారతీయ హీరో పై విషం చిమ్మిన పాక్ నటి

లాలీవుడ్:

నిజానికి పాక్ సినీ పరిశ్రమ ఇప్పుడు పెద్ద సంక్షోబంలో ఉంది. లాలీవుడ్ (లాహోర్ సినీ ఇండస్ట్రీని ఇలానే పిలుస్తారు) సినిమాలన్నీ మన బాలీవుడ్ దెబ్బకి కుదలైపోతున్నాయి అందుకే అక్కడ అవకాశాలు లేక, ఉన్నా సరైన రెమ్యునరేషన్లు లేక బాలీవుడ్ కి క్యూకడుతున్నారు లాలీవుడ్ కళాకారులు.

సల్మాన్ పైనే సెటైర్లు :

అయితే ఇక్కడ సంపాదించుకోవటానికి వచ్చి మళ్ళీ ఇక్కడి జనాల మీదనే ఇలా మాట్లాడటం మామూలైపోయింది. మరొక వర్గమేమో పాక్ లో విడుదలయ్యే బాలీవుడ్ సినిమాలనుంచి తమ మార్కెట్ ని కాపాడుకుంటూ లాలీవుడ్ ని నిలదొక్కుకునేలా చేయాలనే తపనలో ఉన్నారు. అదే వర్గానికి చెందిన మరో నటి తాజాగా సల్మాన్ పైనే సెటైర్లు వేసింది... అసలు వీటిని సెటైర్లు అనే కాదు డైరెక్ట్ గా విమర్షలూ అనొచ్చు.

రబీ పీర్జాదా:

తాజాగా బాలీవుడ్ కండల వీరుడు సల్మాన్ ఖాన్ సినిమాలపై పాకిస్థాన్ నటి, గాయని రబీ పీర్జాదా విమర్శలు గుప్పించింది. సల్మాన్ సినిమాలు నేరాలను ప్రోత్సహిస్తాయని ఆరోపించింది. ‘‘బాలీవుడ్‌లో విడుదలయ్యే ప్రతి సినిమా క్రైమ్ లేదా క్రిమినల్ కార్యకలాపాల గురించే ఉంటుంది, ముఖ్యంగా సల్మాన్ ఖాన్ సినిమాలు.

యువతకు ఏం నేర్పుతున్నారు:

నా ప్రశ్న ఏంటంటే, ఇండియన్ ఫిలిం మేకర్లు యువతకు ఏం నేర్పుతున్నారు? కేవలం క్రైమ్‌ను ప్రమోట్ చేస్తున్నట్లు కనిపిస్తోంది. నీతి కథలతో, సామాజిక నైతికతను ప్రతిబింబించేవిధంగా సినిమాలను నిర్మిస్తూ పాకిస్థాన్ సినీ పరిశ్రమ ఒకప్పుడు అత్యున్నత శిఖరాలపై ఉండేది.

బాలీవుడ్ దాన్ని పూర్తిగా మార్చేసింది:

మనం మన సినిమాల ద్వారా సమాజాన్ని చైతన్యవంతం చేస్తున్నాం, కానీ బాలీవుడ్ దాన్ని పూర్తిగా మార్చేసింది'' అని నిప్పులు కురిపించింది. నసీం విక్కీతో కలిసి రబీ పీర్జాదా లాలీవుడ్ ప్రాభవాన్ని పునరుద్ధరించాలని ప్రయత్నిస్తోంది. పాకిస్థాన్ మూల విలువలతో ఓ సినిమాను నిర్మిస్తోంది. ఈ సినిమా ప్రారంభ కార్యక్రమంలో జరిగిన సభలో ఆమె ఈ విధంగా మాట్లాడింది