Don't Miss!
- Sports వేరీజ్ `మ్యాడ్` మ్యాక్సీ: ఆర్సీబీలో గందరగోళం
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
హంతకులకు సల్మాన్ ఖాన్ సపోర్ట్, జియా తల్లి ఆరోపణ
ముంబై: బాలీవుడ్ నటి జియా ఖాన్ ఆత్మహత్య సంఘటన పెను సంచలనం సృష్టించిన సంగతి తెలిసిందే. ఆమె ప్రియుడు సూరజ్ పంచోలితో ప్రేమ వ్యహారమే ఆమె మరణానికి కారణమనే వార్తలు అప్పట్లో చర్చనీయాంశం అయ్యాయి. అయితే జియా ఖాన్ తల్లి రబియా ఖాన్ మాత్రం.....తన కూతురు ఆత్మహత్య చేసుకోలేదని, ఆమె హత్య చేయబడిందని ఆరోపిస్తోంది.
జియా మరణం వెనక వాస్తవాలను వెలికితీసేందుకు స్వయంగా స్టింగ్ ఆపరేషన్ నిర్వహించిన రబియా ఖాన్....తన కూతురు హత్య చేయబడిందనేందుకు పలు ఆధారాలను కూడా సేకరించింది. వీటిని కోర్టుకు సమర్పించింది. ఈ నేపథ్యంలో ఈ కేసులో సూరజ్ పంచోలి తరుపున వాదించేందుకు సల్మాన్ ఖాన్ లాయర్ శ్రీకాంత్ శివడే రంగంలోకి దిగారు.
సూరజ్ పంచోలి లాంటి వారిని సల్మాన్ ఖాన్ లాంటి స్టార్స్ వెనకేసుకురావడంపై గతంలోనే మండిపడ్డ రబియా ఖాన్....తాజాగా సల్మాన్ ఖాన్ తన లాయర్ను ఈ కేసు వాదించేందుకు పంపడంపై ఫైర్ అయ్యారు. దీనిపై రబియా ఖాన్ ట్విట్టర్లో ఘాటుగా స్పందించారు. 'సల్మాన్ ఖాన్ లాంటి వారు హంతకులకు మద్దతుగా నిలవడం సిగ్గు చేటు' అంటూ వ్యాఖ్యానించారు.
సల్మాన్ ఖాన్ లాయర్ రంగంలోకి దిగిన నేపథ్యంలో తదుపరి విచారణ మార్చి 24న సూరజ్ పంచోలి ఈ కేసు నుండి బయట పడే అవకాశం ఉందని పలువురు అభిప్రాయ పడుతున్నారు. సూరజ్ పంచోలిని తన సినిమా ద్వారా సిని రంగం ప్రవేశం కల్పిచేందుకు సల్మాన్ ఖాన్ చాలా కాలం క్రితమే డిసైడ్ అయ్యారు. అయితే జియా కేసు కారణంగా సూపరజ్ సినీ రంగ ప్రవేశం పెండింగులో పడింది.